饕鍋物 (Closed)

尋日見到網上有媒體介紹呢度既午市套餐，今日就即刻同朋友走左去試，點知...好失望...入到去坐低，午市menu都無人比我地，要去隔離檯自己拎，都算。睇番媒體介紹，呢度既午市套餐應該有前菜+主菜+主食，而睇番Openrice四日前既餐牌相片亦都係咁寫，但我地今日去到，張餐牌同一個價錢，但前菜就無左，咁係咪即是設計張餐牌比媒體介紹晒之後，就換另一張餐牌比食客？我地就搵個員工問，點知佢話餐牌3日前已經換左，仲黑口黑面咁。到我地想落單，問下員工咩係蒼蠅頭，佢答完就自己走左，連單都無幫我地落，真係未食就已經一肚氣！落單後，等左接近20分鐘先有食物，食物唔太夠熱，炸排骨比攤水浸住咁，個皮淋晒，鹽酥雞都淋淋地，而擔仔麵係淡到要係咁加辣醬（全餐個辣醬最好食），珍珠奶茶仲誇張，個飲筒同個杯一樣高，好似要成塊面塞入去個杯飲咁。期間都有位小姐問番我地意見，不過唔知係咪意見接受態度照舊。Anyway, 之後都唔會幫襯。