千之壽

Open Now

Now Closed

自從馬田村搬舖後，第一次幫襯。我地兩大兩細，晚上6點10分到，好彩唔使排隊，直接入座。7點後就開始排長龍啦！我地叫左壽司拼盤，蟹子沙律，拉麵，蟹柳手卷，炸蝦手卷同南瓜蕃薯天婦蘿。除左手卷同蟹子沙律食得外，其他食品都很差，壽司上的魚生完全沒法吞下，魚生雪味很重，唔新鮮，食左半舊章紅魚就忍唔住吐出來。最後只食了鰻魚壽司。南瓜蕃薯天婦蘿就炸粉又厚又唔脆。仲有叫左一碗白飯俾小朋友食，連白飯都難食過人，好似煮完再翻熱左好多次咁，總之難食啦！真係好後悔入左去，最後要去對面街B仔再食過先飽。