B家닭갈비 (Closed)

之前韓國食過辣炒雞，辣到噴火，但又念念不忘，所以見到就即刻去訂位。我們8個人，有D揸車好方便，門口有好多錶位，其他坐地鐵响太子行，有D難揾，要行10分鐘，但臨走時發覺旺角A2近D，原來一條直路，6分鐘就到。去到第一驚喜位係個鋪超大，地方已經值5分。因為訂了位，約10分鐘就坐低。即刻嗌嘢食，第一個係辣炒雞，店長話最好配芝士同炒飯，芝士10蚊一份，我們好like, 所以X2，炒飯18蚊一碟，夠2-3人，建議嗌一份就0K，熱辣辣食超正，雖然冇韓國咁辣，但味道超正，D蔬菜都好鮮！之後部隊鍋到，個湯好香濃，有小許辣，我媽唔食得辣也0K，但如果唔加拉麵就等於冇食過部隊鍋，湯底係精華所在！好豐富材料，午餐肉冇得輸，哈哈，個人偏愛！由於牛肉發燒者堅持，所以再嚟炒牛鍋，呢個唔辣嘅，但有D黑椒响面，呢嗰炒法要10分鐘，但牛肉會最後先撈到中間，所以仲係超嫩，好惹味，有甜甜地既！小食韓式粉絲卷，冇肉嘅，脆口，細細地也不會太油冇炸雞點係韓國菜，兩隻味，個人偏愛甜辣，但有人愛原味因為原味脆D既。其實仲有好多小食，不過飽了！😅