重慶燒燒烤專門店 (Moved) New Location

呢晚在尖咀happy hour，飲完野突然餓起上o黎，所以去重慶燒宵夜﹗話就話宵夜，其實都不知幾鬼肚餓，一來到就狂風掃落葉咁見野就叫，最後叫到一枱都係﹗今次是我第三次來，之前兩次食物質素都很不錯，但呢次感覺到不少燒烤出品都求其o左好多﹗先彈第一樣係燒魷魚，大佬上枱時是凍的，都唔知有冇燒過定係燒定好耐，無魷魚味之餘又硬又生，最愛魷魚的我很不滿意﹗再彈粟米，好明顯是先烚好後再係咁易燒兩野就算，唔夠熱亦無咩烤香，我自己去bbq都知粟米烤完後會縮成一粒粒，但呢度的未夠乾身亦同無燒一樣，唉﹗最難食係個燒雞皮，我地三個一致鬧鬼，燒完之後仲係軟腍腍的，唔脆都已經算喇仲要好似濕笠笠的，夾起個質感已經覺得想吐，之前在其他食店吃燒雞皮又脆又香又乾身，呢度的對比一定零分啊﹗彈埋個錫紙牛油焗金菇，錫紙真係好大，但係一打開，竟然只係得一小箸，一個人都唔夠食0個隻，份量是平時在超市買一束的三份至四份一左右，少得可憐，都唔知夠我食定係你食，牛油蒜蓉份量其實下得很不錯，可惜是成廿幾蚊一碟是得那麼少，真的很呃錢呢﹗呢次發現白酒特價$98一支，雖然無冰筒但味道還不錯﹗燒蠔細隻了不少，六十幾蚊六隻貴了點﹗魚類無我份佢地都食