Video
Read full review
2016-01-21
485 views
與朋友在轉角位置偶然發現既café。她被一間大型茶餐廳遮蔽，若非經過時有少許音樂傳出，我真係未必發現到這間陶笛素食咖啡店。走進café，就如走進另一個世界。門外，有幾十乃至上百人發出既聲浪，熱鬧得很。門內，播放著動聽既陶笛音樂，食客們都好安靜咁食枱上分量十足既食物，即使講野，亦係低聲。一吵一靜之間既轉換令我不禁想到，入到黎先算係離開都市。由侍應帶位坐底，先比我地既唔係餐牌，唔係水，而係一張相––靜心BB的話。心中一突，才發覺此靜心非彼淨心。Café要求每位客人低聲說話，靜下心來邊聽陶笛邊食素。餐牌到了，放係面既係《四道菜的午餐》。望一望價錢，望一望內容，就知冇黎錯地方。$88有蔬菜湯，沙律，咖哩角同埋主菜(5選1)，真心抵。我地叫左一份焗素肉醬意粉同埋白汁香草素蝦長通粉再加Latte同埋草莓乳酪特飲。(午餐唔跟餐飲，要另外加)係等食物既時侯終於可以慢慢睇下呢間café。門口擺放了很多陶笛，由小支既到大支既，由便宜既到貴既都有，更有很多趣怪既造型陶笛。原來呢到仲賣埋陶笛。旁邊有一部電視，播放著一名男士吹奏陶笛既MV。細看之下發現該名男士正在廚房沖出一杯又一杯既咖啡。問下侍應，先知原來係c
走進café，就如走進另一個世界。門外，有幾十乃至上百人發出既聲浪，熱鬧得很。門內，播放著動聽既陶笛音樂，食客們都好安靜咁食枱上分量十足既食物，即使講野，亦係低聲。一吵一靜之間既轉換令我不禁想到，入到黎先算係離開都市。
由侍應帶位坐底，先比我地既唔係餐牌，唔係水，而係一張相––靜心BB的話。心中一突，才發覺此靜心非彼淨心。Café要求每位客人低聲說話，靜下心來邊聽陶笛邊食素。
餐牌到了，放係面既係《四道菜的午餐》。望一望價錢，望一望內容，就知冇黎錯地方。$88有蔬菜湯，沙律，咖哩角同埋主菜(5選1)，真心抵。我地叫左一份焗素肉醬意粉同埋白汁香草素蝦長通粉再加Latte同埋草莓乳酪特飲。(午餐唔跟餐飲，要另外加)
係等食物既時侯終於可以慢慢睇下呢間café。門口擺放了很多陶笛，由小支既到大支既，由便宜既到貴既都有，更有很多趣怪既造型陶笛。原來呢到仲賣埋陶笛。旁邊有一部電視，播放著一名男士吹奏陶笛既MV。細看之下發現該名男士正在廚房沖出一杯又一杯既咖啡。問下侍應，先知原來係café老闆。
等左一陣，前菜到了，份量唔細，賣相亦唔錯。湯係番茄湯，一聞就知落足料。
主菜到了,其實有少少驚食唔曬，因為單係主菜既份量已夠一個普通人食，仲要有湯布前菜。肉醬意粉同埋白汁長通粉既賣相好好。肉醬意粉上有厚厚既芝士，白汁長通粉上將素蝦，車尼茄同埋香草砌成裝飾，好好睇。
從咖啡既拉花可以睇到沖既人比左幾多心機落去，飲落去更感受到老闆既認真。草莓乳酪上竟然有雪糕球一個為本身已有濃厚香氣既乳酪加添美感。
Post