Video
Read full review
2023-06-11
24 views
飲開酒應該都會認識少爺啤，呢間係少爺啤旗下嘅餐廳，有好多酒類嘅選擇，呢日就約埋朋友聚舊，今日係平日嘅收工時間，不過餐廳都已經有好多客人，呢度環境裝修得幾好，有酒吧嘅感覺，但係亦會提供board game比客人玩。好欣賞職員會細心主動介紹餐牌，小食方面，主打喺美國小食，然後再配合本地人嘅口味而設計，所以喺炸物方面會比較多，另外酒方面，選擇當然好多，除咗本地少爺啤，亦有外地嘅酒，而且佢地嘅drink list亦都會定期更新，黑板上面有其他新款可以俾客人選擇，餐廳亦都會定期去搵唔同牌子俾客人去飲，令到每次去嘅時候都有新鮮感。我地點左卡津煎蝦（＄78）：配菜有洋蔥，青豆角，指天椒碎，卡津蒜蓉牛油，本身都好鍾意卡津嘅味道，很惹味，而且配上指天椒，帶點微辣，非常開胃，和蝦非常夾。蝦大大隻，有六隻，而且爽口彈牙。炸荽漢堡（＄148）：鍾意食芫荽嘅人一定唔可以錯過，芫荽多到成座山咁，而且炸過嘅芫荽非常香口同輕型，配上本地屠宰免治牛漢堡我都係第一次試，非常有驚喜，而且漢堡非常厚，亦很juicy，麵包亦都經過微微烘過很滋味，亦配上車打芝士及蒜蓉沙茶蛋黃醬，非常滋味。黑布茄牛意（＄89）：呢款意粉好特別，有
好欣賞職員會細心主動介紹餐牌，小食方面，主打喺美國小食，然後再配合本地人嘅口味而設計，所以喺炸物方面會比較多，另外酒方面，選擇當然好多，除咗本地少爺啤，亦有外地嘅酒，而且佢地嘅drink list亦都會定期更新，黑板上面有其他新款可以俾客人選擇，餐廳亦都會定期去搵唔同牌子俾客人去飲，令到每次去嘅時候都有新鮮感。
我地點左卡津煎蝦（＄78）：
配菜有洋蔥，青豆角，指天椒碎，卡津蒜蓉牛油，本身都好鍾意卡津嘅味道，很惹味，而且配上指天椒，帶點微辣，非常開胃，和蝦非常夾。蝦大大隻，有六隻，而且爽口彈牙。
炸荽漢堡（＄148）：
鍾意食芫荽嘅人一定唔可以錯過，芫荽多到成座山咁，而且炸過嘅芫荽非常香口同輕型，配上本地屠宰免治牛漢堡我都係第一次試，非常有驚喜，而且漢堡非常厚，亦很juicy，麵包亦都經過微微烘過很滋味，亦配上車打芝士及蒜蓉沙茶蛋黃醬，非常滋味。
黑布茄牛意（＄89）：
呢款意粉好特別，有車厘茄，鯷魚，牛肉碎同黑蒜，由於有黑蒜嘅味道，所以同平時食既肉醬意粉有唔同感覺，非常新鮮，意粉軟硬度適中，而且牛肉碎非常多，很豐富，成個調味都好有層次。
飲品方面我叫左桂花烏龍茶菌（＄80）：
未見過呢類嘅飲品，職員解釋因為有益生菌嘅關係，所以有沉澱物係屬於正常，茶菌帶有微酸嘅味道，酒精有0.5%。
W(cb)² 暢飲混濁形果香酸啤（＄89）：
呢款啤酒好有特色，主要係有熱果水果嘅微酸味，清新得黎又易飲，感覺非常新鮮
喺呢度可以試到好多不同款色的啤酒，真是大開眼界，而且職員有禮，食物質素好，難怪平日晚上一樣很多客人光顧。
Post
