公車泰國餐廳

Open Now

Now Closed

baby boss一升到K2真係有啲忙,難得星期日得閒想輕鬆吓，搵一間坐得舒舒服服嘅餐廳食嘢，聽朋友講呢度有一間泰國菜咖喱軟殼蟹好味，梗係試吓啦！咖喱軟殼蟹軟殼蟹多得好誇張，食到好滿足，啖啖肉好好味，連配料薯仔好入味，咖喱微微辣，好香好惹味，送飯一流，我食咗成碗飯。泰式明爐烏頭baby boss好鍾意食魚,所以嗌咗泰式烏頭，酸酸辣辣好香嘅湯底，加入咗香茅、檸檬葉、芹菜等等好靚嘅明爐不停熱住，唔好貼心俾多咗一碗泰式湯底，湯底冇晒都唔驚。爆脆蒜蓉包蒜蓉包熱辣辣，超級香蒜蓉味，仲要脆到不得了，點咖喱醬一流，一個人瘋狂食咗三片😅馬拉盞炒通菜經典的泰國菜，通菜莖幼葉細，炒得好惹味，鹹香味好香。一餐飯多謝朋友介紹， 大滿足。