Video
Read full review
2008-06-01
4 views
5月5日, 菲菲比比80週月快樂~!! 唸左好耐去邊度食慶祝好, 但係今日我地都要返工, 所以到最後都係揀左就腳又好味又開心個名又有意思既一生食日式放題~~~::: 自助式前菜區 ::: 除左寫紙落單, 仲有一個area係比你自己拎野食~ 其實都係一般日式前菜, 沙律, 加州卷呀蟹柳卷呀. 仲有湯, 炒烏冬同日式咖哩飯~ 炒烏冬係意外地覺得好好味~ 咖哩飯都唔錯~ 麵豉湯就有d鹹~ 最好仲就係可以自己拎~::: 刺身壽司類 ::: 刺身如圖示, 真係非常新鮮~~~ 而且擺得好靚囉!! 三文魚肥美有光澤, d甜蝦一碟出面都要$3X啦~ 種類雖然唔係咁多, 不過剩食三文魚甜蝦已經值回票價~ 而且壽司又唔會一大舊飯甘無里誠意. 飯同材料比例剛剛好, 真係要讚~!!::: 自助燒肉類 :::呢個又係一讚~ 出面好少放題係可以比人玩埋日式烤肉的! 而且種類亦豐富, 有牛肉,牛肩, 牛舌, 海蝦, 帶子, 羊肉都有. 每種肉類都有唔同味, 唔同口感~ 燒到幾成熟又可以自己控制, 建議牛舌唔好燒太耐, 因為幾薄, 每面燒大慨20秒就可以了, 如果唔係會好韌~ 認真有得玩有得食~::: 炸物天婦羅類
::: 自助式前菜區 :::
除左寫紙落單, 仲有一個area係比你自己拎野食~ 其實都係一般日式前菜, 沙律, 加州卷呀蟹柳卷呀. 仲有湯, 炒烏冬同日式咖哩飯~ 炒烏冬係意外地覺得好好味~ 咖哩飯都唔錯~ 麵豉湯就有d鹹~ 最好仲就係可以自己拎~
::: 刺身壽司類 :::
刺身如圖示, 真係非常新鮮~~~ 而且擺得好靚囉!! 三文魚肥美有光澤, d甜蝦一碟出面都要$3X啦~ 種類雖然唔係咁多, 不過剩食三文魚甜蝦已經值回票價~ 而且壽司又唔會一大舊飯甘無里誠意. 飯同材料比例剛剛好, 真係要讚~!!
::: 自助燒肉類 :::
呢個又係一讚~ 出面好少放題係可以比人玩埋日式烤肉的! 而且種類亦豐富, 有牛肉,牛肩, 牛舌, 海蝦, 帶子, 羊肉都有. 每種肉類都有唔同味, 唔同口感~ 燒到幾成熟又可以自己控制, 建議牛舌唔好燒太耐, 因為幾薄, 每面燒大慨20秒就可以了, 如果唔係會好韌~ 認真有得玩有得食~
::: 炸物天婦羅類 :::
我地叫左吉列炸蠔, 蔬菜天婦羅, 炸餃子等. 炸物同天婦羅既炸衣係用唔同粉的. 唔會好油膩. 炸蠔脆卜卜, 咬落又好juicy. 天婦羅南瓜都好好味~
::: 其他熟食類 :::
其他熟食仲有好多, 真係不能準錄. 我地叫左牛油炒雜菌, 雞骨腸, 芝士餃子, 生薑豬肉煮, 日式凍豆腐等等. 除左個凍豆腐加沙律醬呢個配答有d怪之外其他都好好食!!
::: 日式火鍋類 :::
牛肉鍋似乎已經係我地放題必叫既item! 份量係你出街打邊爐甘大既鍋, 仲係一路滾一路食!! 不過好彩佢主要都係蔬菜, 粉絲. 而且味道不錯, 好快都比我同呀比清晒~ 不過論牛肉鍋, 我都係覺得朗田好味d~
一生的放題好有特色. 佢仲有d彩食料理推介比你. 又會話比你聽邊d食物係健康, 邊d係惹味, 邊d可以減肥. 好搞笑~ 食材有質數, 環境亦比一般日式放題店有裝橫. 食食下又有個近似拍賣既order環節~ 仲有係個任食放題冇限時架! 甘既價錢有甘既水準真係好超值!!
Post
