Video
Read full review
2013-07-13
2168 views
朋友介紹到這家店，說佢地既龍蝦同青口好正，一於去同老公去試下先。一入到店，感覺唔錯。人唔係好多，可以靜靜地享受一下我地既相識記念日。 食物方面有水準，龍蝦有幾種做法,另外頭盤同主菜都有幾多選擇，我同老公已經約好媽咪生日一齊再來試埋其他美食！【頭盤】- 法國藍靑口：青口好新鮮，果然好味，個sauce配埋D麵包一斉食,非常惹味！本來想清埋個汁，不過老公叫我留肚食其他野，所以收手了。- 雜菜黃菌姑：其實一向不太愛食菜菌既野，本來想食鵝肝， 但係老公說，鵝肝邊度都有得食，點解唔試下D出面餐廳無既野呢？所以我地就點了這道菜。一上台， 好香，賣相好吸引。食落去，個姑同D黃紅椒好配，連我不愛食姑既人想食多一個。【湯】有兩種選擇- 法式洋蔥湯： 老公點了這個湯，好清又夠味加埋湯邊配有個法國包一起飲.好味！- 三文魚忌廉湯: 好CREAMY，好滑口，一口口熱熱既濃湯落肚，有一種自然既幸福感。【主菜】- 龍蝦意大利飯: 好濃既龍蝦味道，龍蝦肉好新鮮好彈牙，加上帶子既香味，做成好有層次既口感同香味， 好正。每粒飯都入味到位。不過，老公喜愛生D既米，要6~7成熟，而我說鐘意熟少少8成熟到，因為我鐘意D汁入
一入到店，感覺唔錯。人唔係好多，可以靜靜地享受一下我地既相識記念日。 食物方面有水準，龍蝦有幾種做法,另外頭盤同主菜都有幾多選擇，我同老公已經約好媽咪生日一齊再來試埋其他美食！
【頭盤】
- 法國藍靑口：青口好新鮮，果然好味，個sauce配埋D麵包一斉食,非常惹味！本來想清埋個汁，不過老公叫我留肚食其他野，所以收手了。
- 雜菜黃菌姑：其實一向不太愛食菜菌既野，本來想食鵝肝， 但係老公說，鵝肝邊度都有得食，點解唔試下D出面餐廳無既野呢？所以我地就點了這道菜。一上台， 好香，賣相好吸引。食落去，個姑同D黃紅椒好配，連我不愛食姑既人想食多一個。
【湯】有兩種選擇- 法式洋蔥湯： 老公點了這個湯，好清又夠味加埋湯邊配有個法國包一起飲.好味！
- 三文魚忌廉湯: 好CREAMY，好滑口，一口口熱熱既濃湯落肚，有一種自然既幸福感。
【主菜】
- 龍蝦意大利飯: 好濃既龍蝦味道，龍蝦肉好新鮮好彈牙，加上帶子既香味，做成好有層次既口感同香味， 好正。每粒飯都入味到位。不過，老公喜愛生D既米，要6~7成熟，而我說鐘意熟少少8成熟到，因為我鐘意D汁入多D在飯內。而這店做既比意大利既生米比較熟，有8成熟，大概要適應香港人口味吧！ 不過，我也是香港人，所以鐘意熟D既。
- 酥皮三文魚: 以為烤既魚一定會好熟好干啦！但係今次竟然用酥皮焗完之後，三文魚內仍然JUICY，不會干身，加上酥皮好香口，旁邊有好多顏色既沙律，好有夏天FEEL，好清爽 。
【甜品】- 老公原來一早已經同餐廳安排了個Tiramisu比我， 嘻嘻！味道方面呢，好重既不同既酒味道同咖啡味，不會單一口感。另外，食得出是用手指餅做既，因為手指餅沉了酒同咖啡才會發脹做成比較濕既像海綿狀，將所有酒味同咖啡HOLD住。（但如果是海綿蛋糕做底既話，沉了酒同咖啡之后，就會溶掉化開，味道就會分散很多。）我好鐘意個味道，有很多地方既TIRAMISU太著重於咖啡道味濃而忽略了其他芝士既味道。
不過，這家做得不錯，雖然芝士味稍為少了些，但仍然可以食到芝士，酒，咖啡既層次。
- 焦糖燉蛋: 外面好脆既焦糖，好香口，內面既燉蛋好滑口。我就最鐘意佢地不會太甜。有D法國餐廳落重糖在面，做成只有焦糖既味道同死甜。我比較愛食到食物既原味。
Other Info. :
老公訂台時同餐廳說是我地既ANNIVERSARY， 所以餐廳特別準備了份小小禮物比我地帶回家，仲印有我同老公既英文名。好有心思！
(The above review is the personal opinion of a user which does not represent OpenRice's point of view.)
Post
