大叢小廚海鮮火鍋

Open Now

Now Closed

我家都是豬肺湯的擁躉，一講到豬肺湯就一定諗起大叢。之前都係飲杏汁豬肺湯，今次訂左菜乾豬肺湯，一樣咁好味。D豬肺大大件，完全滿足到我地呢班豬肺控！另外訂左黃金魚皮，上枱時仲係暖架，真係食到停唔到，不過實在太邪惡啦！我地都好鐘意食炸野，所以點左炸子雞、椒鹽九肚魚，炸饅魚、生炒骨。椒鹽九肚魚都係必食，炸得好鬆化，可惜炸鰻魚係完全無鰻魚味，可能鰻魚係唔適合炸啦。炸子雞同生炒骨係好味，不過唔係驚為天人果種。蔬菜我地點左個豬潤浸菠菜，但係D豬潤煮得太老，好「鞋」。大叢果晚因為有客擺幾圍生日酒，所以有D嘈。不過大叢唔會限客食到幾點，雖然要大大聲傾計，但都好過比人趕走啦。我地帶左個蛋糕去食，佢地都唔會收切餅費，幾好架。宜家真係好難搵到D食物有質素又唔限時既地方。