飲茶 (Closed)

呢間餐廳已經嚟過好多次，基本上每次有外國朋友嚟香港我都會帶佢哋嚟呢度食飯，覺得新派點心外國好似比較少見，而且夜晚大部分酒樓又無茶飲，所以只能去點心店。老實講味道未至非常之好，菜式賣相比味道好。不過服務、環境都比其他食點心嘅餐廳優勝，連餐具都好可愛，所以基本上每次帶外國朋友嚟都未失望過哈哈 。好多菜式都試過了，點心造型特別，但味嚟講都係酒樓好啲，但絶對唔係難食，不過今次再去奶黃包好似少咗饀（奶黃包每次都一定會嗌，因為好得意），篤穿時無奶黃流出嚟朋友有啲失望。