On The Hill Coffee Bar (寶暉大廈) (Closed)

行開附近行到攰，見到間門面同四周圍好唔同的咖啡店，就入左去叫杯咖啡坐低休息下。咖啡店的裝修用木紋同雲石做主調，對比附近的店舖格外搶眼。店內只有十多個座位，但又不會太迫，空間非常足夠。因為只是歇歇腳，所以只係叫左杯手沖飲，店員推介我試下一隻 Ethiopia 的豆，剛剛沖起咖啡香氣四溢，入口偏甜莓味特出有驚喜。上 openrice 見到呢間係新鋪，因為杯咖啡有驚喜，所以特登寫篇食評支持下。btw, 我飲緊咖啡果陣見佢地焗緊新鮮蛋糕，下次睇下有無機會試下。