琛夜食堂 (Closed)

又係旺區搵到小店，呢間餐廳真係不得了， Pizza又有，意粉又有，全消又有，海鮮又有，好似乜都有得食咁，都唔知佢算係咩式餐廳，哈哈。一入到去，已經比佢嘅outdoor位置吸引左，好靚，而且好似好舒服咁，但因為怕蚊同怕熱，我同朋友都係選擇坐咗喺裏面。其實我同朋友叫咗好多嘢食，但係想特別highlight佢一個優惠，就係客人只要點一杯酒精飲品：啤酒又得，紅酒又得，梅酒又得⋯然後就可以以半價優惠，任嗌佢嘅指定海鮮：包括鮑魚仔、青口、聖子、蠔同貴妃螃；整體來講佢啲海鮮都好新鮮。