Video
Read full review
2006-11-15
15 views
星期二晚上跟食友和食友媽媽一齊到outback晚餐,老實講係有點緊張!! =p餐廳環境較暗,黑沉沉有點氣氛,因為無大群客人慶祝生日或聚會,環境都算寧靜。呢度裝飾都幾特別,好多回力鏢同樹熊公仔做擺設,好想拎隻樹熊黎玩玩。服務方面的確唔錯,帶位小姐帶客人就座之後會介紹今次由邊位侍應serve呢張檯,而呢位侍應就會簡單介紹自己同介紹特飲比人客;落單時又好似和民一樣半跪式,真係估佢唔到!!食到中途又會問下食物意見。上次有呢種服務就係清境薰衣草森林,估唔到係香港都有呢種服務。炸磨菇:一上檯已聞到香氣撲鼻,外層炸漿有d似KFC,而且相當香口,磨菇水份幾多,加上沙律醬酸酸地,味道非常夾。凱撒沙律:凱撒沙律味道唔係好濃,唔記得係邊間餐廳聞過一份好濃味既凱撒沙律,所以我印象中呢款沙律應該好濃味,呢份就淡好多LU,不過入面既炸麵包相當香脆大片,唔係油淋淋,呢個反而唔錯。黑麵包:著名黑麵包的確名不虛傳!!包身軟軟又熱熱地,味道帶甜,茶上牛油的確好好味!!下次真係refill 2次至得,推介推介!!愛麗斯坪燒雞胸: 造型有d似早餐!煙肉+半溶芝士好香口但都幾漏,燒雞胸唔太孩,味道真係好香,呢個菜我鐘意bor!
餐廳環境較暗,黑沉沉有點氣氛,因為無大群客人慶祝生日或聚會,環境都算寧靜。呢度裝飾都幾特別,好多回力鏢同樹熊公仔做擺設,好想拎隻樹熊黎玩玩。
服務方面的確唔錯,帶位小姐帶客人就座之後會介紹今次由邊位侍應serve呢張檯,而呢位侍應就會簡單介紹自己同介紹特飲比人客;落單時又好似和民一樣半跪式,真係估佢唔到!!食到中途又會問下食物意見。上次有呢種服務就係清境薰衣草森林,估唔到係香港都有呢種服務。
炸磨菇:一上檯已聞到香氣撲鼻,外層炸漿有d似KFC,而且相當香口,磨菇水份幾多,加上沙律醬酸酸地,味道非常夾。
凱撒沙律:凱撒沙律味道唔係好濃,唔記得係邊間餐廳聞過一份好濃味既凱撒沙律,所以我印象中呢款沙律應該好濃味,呢份就淡好多LU,不過入面既炸麵包相當香脆大片,唔係油淋淋,呢個反而唔錯。
黑麵包:著名黑麵包的確名不虛傳!!包身軟軟又熱熱地,味道帶甜,茶上牛油的確好好味!!下次真係refill 2次至得,推介推介!!
愛麗斯坪燒雞胸: 造型有d似早餐!煙肉+半溶芝士好香口但都幾漏,燒雞胸唔太孩,味道真係好香,呢個菜我鐘意bor!薯條香脆可口,加上香甜芥茉蜜糖汁,真係食到停唔到口。
試左一小口牛扒,的確好香好牛肉味,雖然我唔好牛肉,都覺得幾好味。
chocolate thunder:天使外型魔鬼後果!!一定要cream、雪糕、朱古力軟餅一齊放入口至feel到個種冰火口感,而且雪糕同cream夠香滑, 朱古力餅有d果仁碎又有咬口,超正超滿足!!如果心情唔好,食番一盤相信效果會好work!!
多謝乖乖女做東!!!呢一餐真係好sweet!! ^_^
Post
