Video
Read full review
2024-03-11
6213 views
今次帶屋企人黎嘅係下午嘅自助餐，由於麗晶酒店打正喺洲際酒店之後嘅旗號，雖然佢個價錢貴啲，食物質素亦都少啲，但係都諗住嚟試吓，因為可能佢嘅食物質素非常好呢。所以就同屋企人嚟慶祝生日，但係呢一次嘅體驗簡直令人震驚地差首先，整個大堂嘅管理不善。行去酒店首先需要行上好多級嘅樓梯，老人家嚟嘅話會好唔方便，去到大堂亦都冇人會開門，亦都冇人喺門嘅附近可以招呼客人。當我哋11:50入到去嘅時候我哋問職員自助餐喺邊度，佢哋表示而家未夠12點喎，咁我就話咁即係點，佢哋就話我哋唔可以落去住因為未夠鐘，麗晶酒店將客人都迫晒喺大堂上邊等大家夠鐘嘅時候搶閘，但係因為我同行有老人家，當12:00先至可以落去，仲要係同其他人一齊逼住咁樣行樓梯落去，係非常之唔方便同埋唔安全。我唔明白點解唔可以有5至10分鐘嘅彈性時間俾人慢慢行落去，畢竟佢又冇電梯。其次，食物refill問題。由於下午自助餐係12點到下晝2:30 ，當中係1:00嘅時候，已經見到蒸魚同埋海南雞飯已經冇再refill，本來12點食完第一轉想再去拎已經冇再refill，令人感到非常之唔舒服同遺憾，認為酒店呢個行為係庹縮同埋慳水。再其次，食物款式問題，雖然都知
首先，整個大堂嘅管理不善。行去酒店首先需要行上好多級嘅樓梯，老人家嚟嘅話會好唔方便，去到大堂亦都冇人會開門，亦都冇人喺門嘅附近可以招呼客人。當我哋11:50入到去嘅時候我哋問職員自助餐喺邊度，佢哋表示而家未夠12點喎，咁我就話咁即係點，佢哋就話我哋唔可以落去住因為未夠鐘，麗晶酒店將客人都迫晒喺大堂上邊等大家夠鐘嘅時候搶閘，但係因為我同行有老人家，當12:00先至可以落去，仲要係同其他人一齊逼住咁樣行樓梯落去，係非常之唔方便同埋唔安全。我唔明白點解唔可以有5至10分鐘嘅彈性時間俾人慢慢行落去，畢竟佢又冇電梯。
其次，食物refill問題。由於下午自助餐係12點到下晝2:30 ，當中係1:00嘅時候，已經見到蒸魚同埋海南雞飯已經冇再refill，本來12點食完第一轉想再去拎已經冇再refill，令人感到非常之唔舒服同遺憾，認為酒店呢個行為係庹縮同埋慳水。
再其次，食物款式問題，雖然都知道呢度嘅飾物款式唔係好多，但係都真係冇諗過小到咁，魚生只有四款，少過放題亦都冇想像中咁新鮮。同埋唔明白點解要放咁多意大利食物。意大利食物佔嘅比重好大，變相其他款式可以揀嘅就好少。而且大家都要有心理準備一啲上年紀嘅老人家會唔啱食，因為的確冇乜亞洲食物
再其次係衛生問題。自助餐嘅廁所只有兩格，並且好近客人嘅座位，所以當女客人去廁所嘅時候容易排到出去人哋食緊嘢嘅位置，而且坐緊廁所嘅位置亦都會聞到廁所嘅味。由於客人太多，廁所好少，清潔姐姐根本都清潔唔切。而且入邊逼到唔似一間五星級酒店應該係嘅廁所，亦都唔好講平時酒店會有嘅化妝枱或者抹手嘅毛巾。
再之後都係衛生嘅問題，由於老人家行路真係冇咁方便，但係麗晶酒店需要客人去搭廚房後邊嘅貨𨋢，就好似平時酒樓後面嗰啲𨋢，你會見到好多廚房嘅人員推住啲血腥味嘅魚周圍走，而且個地下都會好線，成個環境好臭。作為一間要求客人要有dress code嘅地方，但係要大家行去呢啲地方搭𨋢係咩事
黎到重頭戲，就係自助餐嘅管理層有問題，令到員工都好有問題。
首先，我同老人家去拎刺身，當其時我哋附近冇其他人等緊，但係負責刺身嘅員工，無啦啦就將所有款式嘅刺身都放晒喺老人家嘅碟到，老人家表示好尷尬，因為有啲刺身係佢唔食嘅。我唔係好明白點解負責刺身嘅員工唔係問客人要啲咩先至夾出。
第二，因為當日係同家人慶祝生日，但係佢哋喺1:00嘅時候就睇晒啲生日蛋糕喺每一台慶祝生日嘅客人嘅枱上面。並且當其時已經係點好蠟燭同埋叫我哋而家可以影相。同埋員工係木無表情，命令式叫我哋而家影相
1:00正正係大家食到成枱都係嘢嘅時候，我哋係需要自己去執好個枱。同埋我未見過有一間餐廳係唔通知客人上得嚟嘅情況底下就已經點晒蠟燭並且要求客人即刻影相。而且個蛋糕係朱古力蛋糕，點埋蠟燭之後根本就會溶化，我哋冇辦法底下就要停晒手上嘅嘢食咗個蛋糕先我唔明除咗佢因為員工為咗自己方便就一次過出晒啲蛋糕仲有啲咩原因。而我想比家人嘅驚喜亦都冇咗
第三，1:15就已經叫我哋買單？個自助餐係食到2:30 ，有乜嘢理由1:00就唔再refill，1:00就出生日蛋糕要大家影相，1:15就叫大家埋單？？？大家食自助餐就係希望可以有多幾個鐘可以傾吓偈食吓嘢，但係麗晶酒店完全冇理過客人嘅感受。同埋唔好諗住可以食到2:30 ，因為佢哋係全部人已經好快咁樣執晒啲嘢。你係需要兩點前已經離開唔好阻住佢哋執嘢😂呢個價錢呢個體驗簡直不可思議。衰過放題！但係我認為呢個係自助餐管理層嘅問題，因為畢竟幾多點出蛋糕幾多點叫客人埋單，呢啲全部都係管理層嘅決定，而佢哋都係跟order做嘢。我唔知而家究竟係咪因為太多人移民青黃不接導致到個管理層咁差，就算係其他二線酒店都冇差到咁。
呢一間酒店比我嘅感覺係打住五星級嘅旗號做住二星級嘅事情。當天食嘢嘅客人唔算太多，book位亦都唔係真係好難。其實我覺得麗晶酒店要好好諗吓，你哋用着一個首屈一指全香港最貴嘅自助餐酒店嘅旗號，你哋吸納緊嘅一班客人應該係稍為高端消費，而高端消費嘅客人就係會知道standard喺邊度。所以當各方面都唔OK嘅時候，你哋就會慢慢流失你哋嘅客人。
打呢一篇嘢希望大家知道實質嘅情況係點，諗清楚先至去再做呢一個嘅體驗。但係對於我嚟講，一定一定一定一定唔會再去第二次
94 views
0 likes
0 comments
Post
