大皇拉麵小籠包 (Closed)

上星期六因周圍都很多人, 見到這間得小貓三數隻, 於是決定幫襯。我和朋友叫了蟹粉小籠包, 冬菇肉燥飯, 手撕雞拉麵, 凍華田和凍奶荼。首先, 手撕雞拉麵和冬菇肉燥飯的份量簡直少得可憐, 手撕雞拉麵只得半碗, 冬菇肉燥飯亦只得半碗飯.... 我問其中一位阿姐可唔可以俾多D飯, 佢話得, 不過要加$, 但我話份量真是少得出奇, 佢走開扮聽不到味道不用說, 肉燥有怪味, 雞絲卻冇味.............蟹粉小籠包是完全沒有蟹粉味, 好搵笨呀最令我生氣的, 是我想問她有沒有紙巾, 她爽快說有, 結果給了我一包, 加了我二元, 我說若果要$就不要了, 她竟說紙巾當然要收$啦, 態度非常惡劣!我真不知這間位於尖沙咀遊客區的食店何解可以繼續生存, 各方好友可以解答我嗎???