馬場洞烤肉專門店 (新城市廣場三期) (Closed)

之前行過見到要排隊，裝潢都不錯，Menu好似幾吸引，都心思思想去試下。今日下午三點半左右經過，見唔使排隊就入去，兩個人叫左個$598豬牛肉套餐包炸雞，一開始就上左碟豬牛肉，侍應又無介紹啲肉應該點燒，醬汁點用，連點醬汁既碟仔都無提供，不過如果好食的呢啲都係小問題，點知燒完啲肉一食就知中大伏，牛無牛味，豬無豬味，仲要又乾又柴，打算叫經過侍應要drink menu,點知佢掂行掂過，行左去職員房仔拎野再出返出嚟，佢唔得閒可以話等等都無咁嬲，之後搵左另一個侍應再幫手，但要罐七喜同西柚梳打都要講幾次，然後落完單再返嚟double confirm😟，食左一大半肉，同家人講好少韓燒餐廳無前菜，唔知係咪隔離執枱侍應聽到，轉頭先上三碟涼拌小菜😓最後埋單$720，成餐飯得炸雞同七喜正常，咁既價錢去超市自己買肉燒都好食過佢，而且侍應態度又唔好，真係一次就夠了！