一本鐵板燒日本料理 (Closed)

呢間日本店都屹立左好多年，今日繼續想食日本野，就入去試下，結果係....食完好灰先叫左呢個黃金墨魚餅，味道係普通炸野既味，咬落好腍，其實就唔太食到有墨魚味，好普通既味道，但都可接受既。再黎呢碟加州大蝦卷。一睇個賣相已經好唔吸引。d蟹籽一忽忽，重點係d壽司飯，真心未見到有黏埋一團既壽司飯，個賣相大打折扣。食落都係一團，炸蝦亦冇炸蝦既鬆脆，真心好難食..... 仲有就係海鮮炒麵。首先佢附送一條短曲毛髮係碟邊，之後d麵亦比較黏，味道怪怪的。唔知係放d咩醬汁去炒，總之就.....非常麻麻。其實仲叫左兩串串燒，等左好耐都未有，原來係冇落到單，而明明只有三四檯人...不過算啦，食完其他都已經唔係咁期待個串燒。