賀苗記包點

Open Now

Now Closed

睇住鋪頭開咗咁耐，一直行過都冇試過。今日終於試咗第一次喇！其實成日都見到師傅默默做包點，都覺得好有心機。似係家庭小生意。都好值得支持。今日買外賣返屋企食。店長好細心，係門口有寫左教你點樣返熱啲包點。加少少水煎返熱，好似出爐一樣咁好味。個包會腫返同埋個底仍然脆！一滴油都唔使落。買咗三個鍋貼同埋兩個生煎包，總共$25。兩個嘅餡料都完全唔油膩，亦唔會太咸。鍋貼每一個都有湯，皮夠薄，但係都唔會好容易爛。生煎包就冇乜湯，但係都好食。而家好少地方嘅生煎包會煎到脆口呢。