Video
Read full review
2006-08-28
58 views
第一次去係因為想「趕尾班車」，試下呢度o既蒜蓉牛油雞翼，結果返轉頭幫襯幾次。蒜蓉牛油雞翼：香口好味。不過個人鍾意牛油味比蒜蓉重，始終唔及n年前的清亭。（回憶呢。非戰之罪。）椰青蟹：嘩，湯鮮甜冇得頂。以前飲阿媽o既椰子煲雞，已覺椰子煲湯好味，但原來椰青同蟹先係絕配。蟹雖然新鮮好肉，蟹羔又爆棚，但在湯同椰青肉的光輝下，只能淪為二線主角。春卷，粉卷及海卷：春卷係我返轉頭o既理由之一──因為好多時所謂越式春卷都用中式春卷皮，一咬又成口油，但係呢度無。後來試埋我平日唔食o既粉卷同海卷，嗯，我覺得粉卷好好味。醋點牛肉：一碟生牛肉連炸過蒜蓉，一窩醋湯，另附生菜。牛肉唔係肥牛，切得又薄，所以唔可以「淥」太耐。我自己覺得一般。最好味係另叫一碗乾檬粉自己放湯。咖喱牛腩煲：番茄底ｏ既咖喱幾好味。送法包一流。炸軟殼蟹：想唔到咁大隻有肉，皮漿夠薄，鬆化得o黎又唔會成口油。香口但又冇話死鹹。油浸筍殼：皮炸得鬆化，肉鮮嫰，配埋豉油，好味。香茅燒雞：呢個尚算皮脆肉嫩咁啦。不過唔係好覺有香茅味。椰汁拉糕：暖暖的，軟軟的，一層一層，有椰汁香但唔係好甜。Ok啦。服務就ok啦。係阿姐做o野比較「o拿西」少少──例如佢好心同我
蒜蓉牛油雞翼：香口好味。不過個人鍾意牛油味比蒜蓉重，始終唔及n年前的清亭。（回憶呢。非戰之罪。）
椰青蟹：嘩，湯鮮甜冇得頂。以前飲阿媽o既椰子煲雞，已覺椰子煲湯好味，但原來椰青同蟹先係絕配。蟹雖然新鮮好肉，蟹羔又爆棚，但在湯同椰青肉的光輝下，只能淪為二線主角。
春卷，粉卷及海卷：春卷係我返轉頭o既理由之一──因為好多時所謂越式春卷都用中式春卷皮，一咬又成口油，但係呢度無。後來試埋我平日唔食o既粉卷同海卷，嗯，我覺得粉卷好好味。
醋點牛肉：一碟生牛肉連炸過蒜蓉，一窩醋湯，另附生菜。牛肉唔係肥牛，切得又薄，所以唔可以「淥」太耐。我自己覺得一般。最好味係另叫一碗乾檬粉自己放湯。
咖喱牛腩煲：番茄底ｏ既咖喱幾好味。送法包一流。
炸軟殼蟹：想唔到咁大隻有肉，皮漿夠薄，鬆化得o黎又唔會成口油。香口但又冇話死鹹。
油浸筍殼：皮炸得鬆化，肉鮮嫰，配埋豉油，好味。
香茅燒雞：呢個尚算皮脆肉嫩咁啦。不過唔係好覺有香茅味。
椰汁拉糕：暖暖的，軟軟的，一層一層，有椰汁香但唔係好甜。Ok啦。
服務就ok啦。係阿姐做o野比較「o拿西」少少──例如佢好心同我地清下枱，點知將隻湯勺同蟹殼放埋一齊之後，先記得隻湯勺仲有用，o拿o拿聲又放返佢落ｏ黎枱面。次次都有d咁蝦碌ｏ既ｏ野，扣少少清潔分……
Post