Video
Read full review
2021-10-04
1013 views
我一直都想試下呢間餐廳。第一次去，同其他客人體驗到同樣情況，就係問侍應攞menu睇，結果俾人黑口黑面趕走。當時當然好嬲，同埋發誓唔會去食。但人係犯賤的🤣 相信「串得起」嘅餐廳一定好好味，加上我英國回流香港後未食過正宗嘅chippy，所以隔左幾個月下咗火之後決定再去試下。今次我醒喇，一去到就同侍應講：唔該我地X位^^長話短說，態度我唔評論喇，全程黑口黑面我已經預左。室外環境幾好（海景），而室內牆身貼滿似係淘返黎8蚊一呎既London街景牆紙。坐低後終於有幸睇到menu！俾大家欣賞下～千祈咪催！催！催！（非中英對照）但一切都冇所謂，俾個正宗chippy我，我點都可以！然後fish and chips黎到….真係speechless。首先薯條嚴重overcooked, 硬到用fork拮唔入，一拮即刻斷開兩節😔 期次係，fish and chips 點解會用幼薯條？我見其他食評都有粗薯條的，係我咁唔好彩果日咁啱冇貨？但既然你咁串，我冇諗過竟然會求其俾幼薯條hea你嘅食客。罷了….試下個魚。佢做得好嘅位係皮薄，同埋皮同魚唔分離，口感我覺得係好的。但味道同一般香港fish and chips差唔多
但人係犯賤的🤣 相信「串得起」嘅餐廳一定好好味，加上我英國回流香港後未食過正宗嘅chippy，所以隔左幾個月下咗火之後決定再去試下。今次我醒喇，一去到就同侍應講：唔該我地X位^^
長話短說，態度我唔評論喇，全程黑口黑面我已經預左。室外環境幾好（海景），而室內牆身貼滿似係淘返黎8蚊一呎既London街景牆紙。
坐低後終於有幸睇到menu！
俾大家欣賞下～
千祈咪催！催！催！（非中英對照）
但一切都冇所謂，俾個正宗chippy我，我點都可以！
然後fish and chips黎到….
真係speechless。首先薯條嚴重overcooked, 硬到用fork拮唔入，一拮即刻斷開兩節😔 期次係，fish and chips 點解會用幼薯條？我見其他食評都有粗薯條的，係我咁唔好彩果日咁啱冇貨？但既然你咁串，我冇諗過竟然會求其俾幼薯條hea你嘅食客。
罷了….試下個魚。佢做得好嘅位係皮薄，同埋皮同魚唔分離，口感我覺得係好的。但味道同一般香港fish and chips差唔多。如果普通嘅cafe做到呢種質素，我覺得算好。但作為一間fish and chips專門店，仲要咁高姿態…嗯。
除左店名「camden」想話你知「我好英國我想give off a cliche london vibe」之外，其他方面例如好客程度，到裝修，到你碟主打菜「fish and chips」，到底係咪british style呢….嗯。
Post
