金船長餐廳 (Closed)

位於大角咀嘅金船長一直都想試好耐，忽然朋友提起番，就決定過去食喇！餐廳嘅位置始終有點偏離地鐵站，可能呢個原因食客唔算太多。佢地將最招牌之所畫左係牆上，呢個方法又幾有創意!今次主要想試下得獎作品同薑汁梳乎厘。黑松露菌醬意式馬斯卡普芝士夾心pizza $108Pizza 共有6塊。menu同牆身嘅畫都講左呢個pizza 係有3種食法ga!第1種 先感受黑松露醬芝士夾心pizza 嘅原味及口感。第2種 沾上自家製嘅提子醋試試唔同嘅味道。第3種 加上有機沙律菜、提子醋 再配pizza 食用。一入口先感到香脆芝士外層，內面鬆軟。超香濃嘅黑松露香氣係口腔內穿梭。周打海鮮湯 $38是日餐湯係周打海鮮湯，附上一塊蒜蓉包。餐湯唔係屬於非常濃稠果種，但非常足料有多種海鮮配料。（八爪魚、蜆肉、蝦、蜆、魚肉）蜜糖慢煮烤豬手 $168豬手好大隻，外皮QQ好香蜜糖味,骨肉超易分離！肉質軟稔。熱檸檬可樂加薑 $22平時少機會有得飲，放左勁多薑同檸！薄荷浮冰 $38造型簡單美觀，冰涼嘅薄荷感覺。涼量夠多，唔算太甜。金船長梳乎厘 $38 （薑味）仲有原味、朱古力選擇。上碟要快d食。空氣感好夠，有淡淡嘅薑味、蛋香都算夠。