金船長餐廳 (Closed)

朋友講這間在大窩口的餐廳味道唔錯而且有一個好特別嘅黑松露pizza因為另外一個朋友係勁鍾意食黑松露所以我哋最後就諗住過去試一試。去到裝修同衛生都唔錯，食物方面選擇都有唔少，都見到有唔少嘅人食緊黑松露pizza同牛扒，所以我哋最後決定要左一個Pizza兩個意粉同埋一個牛扒，作為我哋型嘅晚餐，最後因為份量都偏大所以都食唔晒添。黑松露菌醬意式馬斯卡普芝士夾心比薩，不久就來到，黑松露都有好多，而且口感都幾特別，味道係啱啱好，唔會話實在好鹹，而且中帶點香味，配上醬汁有另外一個味道。但我同朋友都係鍾意原汁原味。大蝦意粉的大蝦都幾大隻，而且食落去都好十分之爽口，幾新鮮。意粉口感都彈牙，唔會淋身，而味道剛好，啱晒我一些唔鍾意食太淋身意粉嘅朋友。冇諗過牛扒會咁大份，切出嚟都十分之軟熟，牛扒味道濃郁，而且配菜都唔少，最後我哋都差啲食唔晒成塊牛扒添。肉醬千層面的肉醬十分好味，味道剛好，好濃郁。千層麵吸了不少醬汁，煮得不錯，而且份量都不少。

平時好少經過大角咀，今次特意慕名來試下得獎嘅鎮店之寶黑松露pizza。上枱就聞到好香嘅芝士味，pizza焗到金黃鬆脆，入面夾着一層薄薄嘅黑松露醬，份量恰到好處，唔會太濃烈而搶左本身嘅芝士香味，整個配搭都好夾。侍應建議左幾種食法比我地，一係直接原汁原味咁食pizza唔使加料，二係夾住蟹抓菜食，最後就係食之前蘸上旁邊嘅提子果醋。三種食法入面最鍾意都係搭住提子果醋咁食，酸酸甜甜好醒胃，亦都有提味嘅作用，食多幾塊pizza都唔覺漏。BBQ醬豬肋骨肉質算腍唔會鞋口，骨同埋肉都容易分離，加上酸酸甜甜嘅BBQ醬，令人好開胃。香煎老虎蝦配龍蝦汁意大利飯大大隻的虎蝦非常吸睛，但肉質食落比較實同埋無咩蝦嘅鮮味，亦都吸唔到意大利飯嘅龍蝦汁，整體嚟講無咩太大驚喜。

行到大角咀，唔知食咩好，即刻上OpenRice睇吓附近有咩好食🤓見到呢間餐廳有500幾個好評，就打電話去即刻book位，咁啱有位，就去咗食啦就去左食啦我哋book咗七點，去到時餐廳未full望到餐牌見到有個得獎Pizza咁當然啦你試吓啦，同埋依度有自選意粉，可以自己揀汁揀材料，都幾得意。不過我哋最後都揀咗餐牌上既risotto話咁快得獎pizza就黎喇！pizza由兩塊餅夾住 外面有芝士粉，入面夾住黑松露醬。旁邊仲有果醋比我地點黎食。黑松露味唔夠香，芝士同黑松露味唔太夾，加埋果醋更加咩味都無哂😖😖risotto既飯太稔，得2隻蝦同飯😓😓可能係港式意大利餐廳，不過價錢都唔係好平，加上唔好食🤭失望😓😓

金船長餐廳 的名字聽了很多年, 聽講好好味, 約了親友一行6人去試下食晚餐。 訂了7PM的枱, 但其中一位親友要7:10先可以到達, 我地問餐廳可以先入坐還是等齊人才入坐, 餐廳職員話 一入坐無論齊唔齊人都係計1.5小時用餐。 咁我地更係等人齊才入坐。 餐廳地方唔算大, 我地根據網上的食評點選咗以下菜式: 綠豆蓉湯:  唔太甜黑松露菌醬意式馬斯卡普芝士夾心比薩: 雖然係PIZZA, 但個賣相及口感都似三文治, 黑松露菌醬味好濃, 成份PIZZA, 我淨係食到黑松露醬味道, 但係佢地的提子醋汁就好特別，人地話餐廳侍應會介紹PIZZA的食法, 個日就無人介紹俾我地。 自選車仔意粉;  老虎蝦配帆立貝天使麵 ($168):  阿嫂話呢個天使麵唔錯,蝦新鮮, 最欣賞係可以分開汁上法式焗田螺配法底多士 ($68):  田螺好細隻, 味道一般蜜糖慢煮豬手配蜜糖燒汁 ($168): 豬手好淋, 好香, 好食燒紐西蘭羊架 ($188):  我地叫7成熟的羊架, 但餐廳煮到好生, 應該得5成熟, 羊架全完唔似燒的, 係水煮, 羊架的表面一D都唔似燒過, 羊味唔夠濃   (忘記影相)美國特級西冷牛扒 ($

朋友是比薩控，於是帶我去試一試位於大角咀的得獎比薩。黑松露菌醬意式馬斯卡普芝士夾心比薩有別於一般傳統的比薩，這款得獎比薩類似平時吃的飛碟，中間有黑松露和芝士的夾心，味道濃郁。配上黑醋汁一起吃，可以減低芝士的油膩感，別有一番風味。香煎法國鵝肝蘋果沙律煎香後的鵝肝放在香脆的多士上，再加上黑醋汁，味道合拍。心太軟朱古力布甸將微熱的心太軟切開，看到流心朱古力醬。金船長梳乎里梳乎里焗得非常膨脹，吃入口充滿空氣感，而且入口即溶。

朋友想試呢間金船長好耐，大家都抱幾大期望入去。加上好似都幾full booking咁，店員話得個半鐘用餐時間第一樣嗌左呢個黑松露菌醬意式馬卡斯普芝士夾心比薩後面幅牆仲畫左個教學教大家點食，幾得意嘅個pizza其實好薄，似烘多士，舖滿芝士粉，聞落都幾香黑松露味。我地跟足教學食，第一舊就咁食，係好味ge。跟住第二舊加佢提供ge提子醬汁食，我覺得唔係好夾第三舊就加埋啲菜同醬一齊食。始終係乜都唔加仲好食!另外嗌左個黑松露菌及牛肝菌雲吞配野菌忌廉汁個名勁長好似好吸引咁，食落我地覺得好普通，白汁咁，比預期中失望左最後叫左個心太軟，呢個係三樣野之中最好食，夠熱，夠流心，仲有舊雲呢拿雪糕

超難食！成間店都無人 仲要等超耐 心太軟簡直唔知點形容 好似食佐成啖麵粉 勸大家唔好期待了 雞翼有陣奇怪味 反正就唔新鮮lor 服務態度又差 個個都唔多想理人 勁無語咯 真係唔會有第二次！

話說呢間餐廳好耐之前已經比佢個黑松露比薩吸引左終於有時間去一嚐滋味啦黑松露菌醬意式馬斯卡普芝士夾心比薩佢係有分開2個size既，而我就叫左個細嘅，6吋，黑松露味足夠，鍾意食煤氣既你，一定要試下呢一個混合芝士同黑松露味既Pizza，醬汁少少清新，可以自由選擇有冇需要加落Pizza到食。羊架算係燒得岩岩好，外層煎到有少少香脆，幾香口，而內層柔軟，肉汁鮮味，配有白飯加燒過既蔬菜，如果有3舊羊架就非常好最後又係我最愛既甜品 梳孚厘呢個梳孚厘比起平時食果D較為硬身少少，面頭既糖分相當甜，好好食，好似食緊一個高級菠蘿包咁，有少少焦焦地既感覺，不錯不錯。金船長餐廳🤣 好彩無暈船

好日唔會去中角咀呢個地方，諗住行完奧海城可以食餐好，於是就係網上搵左呢間好多好評嘅西餐廳。行左好耐先搵到，點知去到食完。係何其失望。首先入到去睇環境，裝修似茶餐廳，整體唔陰暗之餘仲有少少混亂，西餐有個神主牌係地，勁奇怪。咁我地就叫左網上人地推介嘅野食 ，得獎作品黑松露pizza ，另外就叫左隻豬手，其中一個加左餐飲同湯。首先黑松露pizza 味道尚可 ，但唔係傳聞中咁好食，佢有一隻勁奇怪嘅汁配埋食，係黑加倫子汁，真係唔落好過落。另外豬手份量都夠，都算林，但係味道其實好普通。服務都算ok 。但係價錢就唔算平，食左兩樣野成三百四十幾埋單。 真係試一次就唔會再黎。勁失望😞

知道這家餐廳在大角咀經營多年，今天咁啱經過，見口碑不錯就即管試試。跟餐忌廉湯：百分百普通茶餐廳貨色，以一個餐收取150蚊以上的西餐廳來說，真是誠意欠奉。第一道主菜：最出名的得獎菜-----黑松露菌醬意式馬斯卡普芝士夾心比薩香脆是香脆，但不管用鼻聞或是用口食都絲毫感受不到黑松露的濃郁香味，只吃到單薄的鹹味，加上提子果醋吃味道會豐富一點，但說是甚麼得獎名菜完全是名過其實。第二道主菜：香煎老虎蝦凡立貝天使麵天使麵有咬口，但蝦細隻，凡立貝細粒，兩者都毫無鮮味，且份量少，整體來說水準非常普通。飲品：紅豆冰朋友話好難飲，普通茶餐廳好多多聲。甜品：心太軟朱古力布甸算是全晚最好的，朱古力流心不太甜，啱我胃口。環境：兩個人食四百幾五百蚊一餐都要搭枱。本來食物OK的話我是沒所謂，可惜……整體來說，食物質素與價錢完全不相稱，性價比極低，價錢比佢平但好食過佢的同類西餐廳有大把。食完直頭有被騙的感覺，絕對不試也罷。我人生第一篇食評就奉獻給這家餐廳，大家想像下我有幾唔忿氣。

I went there with 3 kids at 535pm today and asked the waiter if afternoon tea set still available by that time. They said tea sets were still on but need to return the table by 630pm. So I ordered 4 tea sets and kept eating at my fastest coz need time to serve my kids. By 630pm, they approached and billed and I paid accordingly.When I was obviously almost done food and kept asking the kids to finish the drinks asap at 640pm, they came in again and asked us to leave asap as they have the bookings

金船長餐廳是我的童年回憶，尤記得中學時代會跟同學一起放學過來，身上還穿著校服呢！今晚帶媽媽來重溫一下我當年的記憶。餐廳佈局和裝修都沒甚麼大變化，是燈光沒有以前那麼藍。餐廳名物黑松露菌醬意式馬斯卡普芝士夾心pizza是必點的，另外還點了一個主菜和特別的湯。鮮橙色的蟹肉素魚翅南瓜湯要散叫才有，媽媽喜歡南瓜就要喝。質感濃稠，有鮮甜蟹味和清甜的南瓜味，素翅又有口感，不錯喔！旁邊的蒜油多士好香脆啊！名物是得獎菜式，一上桌黑松露香氣撲鼻，就如我倆剛進來時聞到的香氣。上面佈滿芝士粉，餅皮外脆內軟，中心的黑松露菌醬味道非常香濃，好正！除了就這樣吃，還可加提子果醋同食，酸酸甜甜的味道帶來清新感。要再豐富一下味道和口感的話，可加沙律菜一起吃，又是另一種感覺。怎樣吃都是好吃~另一款主菜是美國特級肉眼牛扒，配香蒜汁和意粉。牛扒超大塊！！加25元有忌廉燴菠菜，加了忌廉味道較柔和creamy，完全沒有草青味！再加48元有1.5安士的鵝肝，入口酥香，薄薄的外皮破了後立即溶掉，整個口腔都充滿著豐腴的鵝油香！邪惡的東西不能常吃！媽媽不容許五成的牛扒，所以叫了七成。不過，牛扒沒有因為較熟而乾硬，咬下去還是頗軟身，牛味頗重

早就聽聞在大角咀這間餐廳非常出名, 不過位置不方便, 今日路經此地, 於是獨自一試不能不試的當然是得獎作品: 黑松露菌醬意式馬斯卡普芝士夾心比薩不愧是得獎, 松露香濃撲鼻, 加上芝士咸香夾在爽脆的PIZZA中, 有點像用餅乾舖在薄餅面的爽脆, 又加上了芝士的味道, 簡單又不會太大份而過飽, 好好吃!餐湯南瓜湯恰到好處, 濃淡度適中而且好鮮甜帶子煙三文魚意大利麵,  帶子味香, 煙三文魚咸香適中而且油脂很夠香, 意大利麵又帶點AL DENTE, 是令人十分難忘的味道~

☆意大利懷舊西餐☆係openrice 得獎餐廳💛最優秀意大利菜餐廳開飯熱店👏👏又真係好好食 weekday 夜晚都全場爆滿 如果嚟食記住要訂位啊！🍎香煎法國鵝肝蘋果沙律$138鵝肝煎得外脆內軟 外皮煎得香脆 內面keep到生生地 係最理想嘅鵝肝狀態 味道完美👍上面灑左啲蘋果汁 份外開胃😍而且份量夠大舊 薄切 加強口感。鵝肝多士隔離有一堆蘋果粒炒熱左 好清新香甜 👍🦐香煎老虎蝦配龍蝦汁意大利飯$148虎蝦新鮮 蝦肉口感結實彈牙 龍蝦汁濃稠 味道濃郁 就好似濃縮左嘅龍蝦咁 意大利飯粒好大粒 口感煙韌豐富 🐮美國特級肉眼扒12安士$298肉眼扒好大塊 但係煎得唔夠靚冇咩色澤 本身塊扒冇咩肉味 而且比較多筋所以有啲韌 對比起其他菜式真係有啲失色🧀黑松露菌醬意式馬斯卡普芝士夾心Pizza 6吋 $108得獎作品黑松露pizza👏👏名不虛傳 見到幾乎每一台都會叫呢個 黑松露真係好香 pizza 外面灑滿芝士再焗所以好脆 鹹鹹香香 入面夾滿黑松露醬 本身個Pizza有啲乾 記住要點自家製提子果醋 味道清新 同黑松露味超夾！朱古力心太軟$58又係我最鍾意嘅心太軟♥️真係好流心🤤個朱古力醬煮得稀所以一切落

落單果時，侍應話佢地既招牌菜黑松露菌醬馬斯卡普芝士夾心pizza拎過獎就蠢蠢欲動，叫左一份黎試,好吾好食就見人見智！夾心餅形容得好貼切，食落乾巴巴，黑松露同芝士味濃烈獨特，吾太岩我口味，點自家製葡萄醋會易入口啲。另外試左美國肉眼扒，蒜香汁惹味，有啲筋位，難咬開。