大漁屋台 (Closed)

牛下長大既我即使中學後搬咗，間唔中都會過黎淘大德福行食吓野行吓~自從得寶裝修後有一部份叫牛下新城，加上舊街坊喺度開左小店就更多黎呢邊。今次都係搵舊街坊，佢介紹左呢間日本餐廳，我同老公就去試吓! 門面已經完全擺脫昔日得寶既形象，入內更加有居酒屋既感覺。先黎一杯 Frozen Beer 上面嘅雪泡,keep住啤酒嘅溫度，咁熱既天氣飲到尾都係凍，特別爽!左口魚邊壽司，灸燒過既左口魚油脂更突出～　蟹肉蟹膏壽司 蟹膏既濃味，加埋一絲絲嘅蟹肉一啖入口，蟹嘅鮮味各自發揮！刺身季節沙律 好多角切咗嘅三文魚、油甘魚、甜蝦、三文魚子，食到尾都仲有~見到北海道生蠔買二送一，我哋都叫咗3隻， 肥美鮮甜，帶點海水同埋礦物味~呢度啲炸物、天婦羅、關東煮都可以逐件點嘅 。我哋就揀咗幾件天婦羅，海老天婦羅一咬落去蝦肉鮮味彈牙；沙錐魚，內質鬆軟。仲有日本南瓜、日本番薯， 味道特別鮮甜。我要一讚係個炸粉調教得好好超鬆脆!!另外點左和紙牛肉火鍋，以前食呢個紙火鍋 都會覺得好得意好興奮~人大咗先知紙火鍋既紙其實都有用途㗎! 紙可以吸收肉類嘅油份，令到個湯底更加清澈唔油膩~所以食完鮮嫩嘅牛肉片同埋滑滑豆腐，下面嘅水晶麵條、雜菜