Video
Read full review
2009-11-07
26 views
好耐無出過旺角, 琴晚同男友仔諗住去配眼鏡, 就出左旺角...因為收工遲左, 所以出到去都有少少肚仔餓, 男友仔提意食壽司, 無異議 一出地鐵就向 "和花亭" 方向進發....咦!!! 好大個廣告海報....牛陣!? 日式和牛火鍋!?唔知開左幾耐, 不過我地 2 個都未試過, 一於轉移陣地...向地庫殺入去!!去到門口, 無人等位, 只係有幾個人問緊火鍋既細節~一於埋去睇下先.....哦! 任食肉類其實得 3 種 (牛肉+豬柳肉+豬腩肉)...而湯底一共有 4 種 (清湯 / 上湯ShabuShabu / 鐵觀音 / 豆乳)...價錢配搭係...普通貨 "普通牛" (清湯 $100/人, 其他果 3 種湯底就 $120/人)上級貨 "上級牛" (清湯 $140/人, 其他果 3 種湯底就 $160/人)頂級貨 "頂級牛" (清湯 $240/人, 其他果 3 種湯底就 $260/人)* 仲可以另外 order A5級和牛 / 澳洲牛牛(不同部位)...當然價錢另計, 不過幾錢就唔記得, 總之都幾貴!我同男友仔都想試下新野, 所以就決定一試...一坐低, 就有個人即刻走埋黎又講解一次...
因為收工遲左, 所以出到去都有少少肚仔餓, 男友仔提意食壽司, 無異議
一出地鐵就向 "和花亭" 方向進發....咦!!! 好大個廣告海報....牛陣!? 日式和牛火鍋!?
唔知開左幾耐, 不過我地 2 個都未試過, 一於轉移陣地...向地庫殺入去!!
去到門口, 無人等位, 只係有幾個人問緊火鍋既細節~
一於埋去睇下先.....哦! 任食肉類其實得 3 種 (牛肉+豬柳肉+豬腩肉)...
而湯底一共有 4 種 (清湯 / 上湯ShabuShabu / 鐵觀音 / 豆乳)...
價錢配搭係...
普通貨 "普通牛" (清湯 $100/人, 其他果 3 種湯底就 $120/人)
上級貨 "上級牛" (清湯 $140/人, 其他果 3 種湯底就 $160/人)
頂級貨 "頂級牛" (清湯 $240/人, 其他果 3 種湯底就 $260/人)
* 仲可以另外 order A5級和牛 / 澳洲牛牛(不同部位)...當然價錢另計, 不過幾錢就唔記得, 總之都幾貴!
我同男友仔都想試下新野, 所以就決定一試...
一坐低, 就有個人即刻走埋黎又講解一次...
最後我地決定試下比較特別既 "豆乳湯底" 配 "普通貨"
仲加左 $45 要個海鮮併盤:
大蝦x2 / 扇貝x2 / 鮮魷小量 / 銀雪魚小量 / 蟹柳小量
order 完就即刻出去蔬菜吧拎 D 配菜 (自助任拎):
幾種唔同既菜 / 粉絲 / 烏冬 / 麵 / 羅白 / 冬瓜 / 南瓜 / 芋頭 / 豆腐.....etc
如果驚唔夠飽, 仲有白飯同炒飯都任裝~
亦都有個雪糕櫃, 唔係杯杯裝, 係大筒裝, 琴晚有 3 種味: 雲呢拿 / 士多啤梨 / 芝麻
先彈:
- 任食時限只有 1 個鐘 (入坐開始計), 實在唔太夠, 食得好趕
- 似住舖仔有空間, 竟然無抽氣裝備, 一邊食就一邊蒸面
- 所謂任食放題, 竟然無野飲, 得一杯清水比你, 如果你想加埋任飲就每人另加 $15, 都幾呃錢
- 太死板, 浪費食物!! 明明人地唔鍾意食果隻 "豬柳肉", 叫佢加既時候講明淨係要 "豬腩肉", 點知上枱既時候, 竟然都係一半柳一半腩...好明顯係廚房已經 set 好左一碟一碟, 有人要就拎唔識去變, 結果最後果 D 豬柳肉就淨晒響度, 何苦迫人要呢.....
- 走之前諗住去埋 washroom, 講真!! 去轉 washroom 要幾耐呀, 頂多咪 1-2 分鐘, 點知經理趕客!!! 一夠鐘就趕左男友仔出去罰企 (唔通果 1-2 分鐘真係咁緊要!? 果個經理明明都知我只係去 washroom 啦, 咁做野...似乎佢唔多識咩係待客之道喎!!!)
***** 今時今日咁既服務態度.....唉.....10 萬個失望!!!!
小讚:
- 牛同豬超新鮮, 上枱都係鮮紅色!
- 侍應見到你碟牛或者豬就食完, 會主動問你需唔需要加~
- 豆乳湯底唔錯, 夠特別, 好滑~ (味道比較清淡, 鍾意味濃既應該會覺得無味)
- 就夠鐘前既 15 分鐘就會有人比張單你先埋左, 再提下你去食埋甜品~
- 海鮮位盤都好新鮮, $45 呢個價, 都接受到~
另外:
- 因為想你食到原味, 所以無豉油提供既~
- 芝麻醬太稀, 唔夠香, 失色~
其實呢個價錢, 淨係得 3 種肉類選擇, 真係...唔抵!!
走既時候, 見到門口都只係得 3-4 個人等緊(我諗個個都係試新野), 而因為果個經理既關係, 我同男友仔都決定, 應該唔會再去, 太失望!!
(去過咁多地方食野, 都未試過比人趕走, 真無奈...)
Post
