Video
Read full review
2016-01-10
414 views
阿妹生日大晒，佢話想食靚靚窩夫兼嘆杯靚tea，我地響佢既心水名單中，千挑萬選揀左呢間Cafe Charm's。餐牌有好多選擇，但我地雙眼只聚焦響兩個部分：小食、甜品，哈哈哈，女仔都係覺得呢D最吸引呀！阿妹點左杯熱烤榛子朱古力($39)，黎到真係「嘩」一聲，三隻熊仔好可愛呀！杯邊既碎粉並唔係糖，而係餅碎，好特別。杯榛子朱古力有姿勢又有實際，味道香濃幼滑，阿妹話一級棒！白酒煮蜆($86)，餐廳用既係沙白，除左酒香，仲落左羅勒，好香，蜆肉細細隻夠嫰滑，唔錯。牛油蒜香炒野菌($56)，材料唔少，有雞脾菇、新鮮冬菇、本菇、磨菇，炒得夠滑夠鹹香，好味。啤酒炸魚薯條($92)，有五大件，啱啱一人一件。炸魚漿粉夠脆，唔會死實，入面既魚塊好滑兼有酒香，點埋我最愛既沙律醬食，堅正斗。焗芝士洋蔥煙肉薯皮($52)，芝士、洋蔥、煙肉本身味道就好夾，薯皮焗得脆，仲有少少薯蓉響入面，整體好香口，不過其中一塊薯皮焗燶左，好可惜呀！小食仲未完架，再黎美式香脆雞翼($76)，外層炸得香脆，入面仲係保持嫰滑，最完美既雞翼狀態！點埋甜酸醬，美味！跟住主角黎勒，花樣迷人窩夫($78)，真係無改錯名，窩夫既形狀就好似一朵盛開既
餐牌有好多選擇，但我地雙眼只聚焦響兩個部分：小食、甜品，哈哈哈，女仔都係覺得呢D最吸引呀！
阿妹點左杯熱烤榛子朱古力($39)，黎到真係「嘩」一聲，三隻熊仔好可愛呀！杯邊既碎粉並唔係糖，而係餅碎，好特別。杯榛子朱古力有姿勢又有實際，味道香濃幼滑，阿妹話一級棒！
白酒煮蜆($86)，餐廳用既係沙白，除左酒香，仲落左羅勒，好香，蜆肉細細隻夠嫰滑，唔錯。
牛油蒜香炒野菌($56)，材料唔少，有雞脾菇、新鮮冬菇、本菇、磨菇，炒得夠滑夠鹹香，好味。
啤酒炸魚薯條($92)，有五大件，啱啱一人一件。炸魚漿粉夠脆，唔會死實，入面既魚塊好滑兼有酒香，點埋我最愛既沙律醬食，堅正斗。
焗芝士洋蔥煙肉薯皮($52)，芝士、洋蔥、煙肉本身味道就好夾，薯皮焗得脆，仲有少少薯蓉響入面，整體好香口，不過其中一塊薯皮焗燶左，好可惜呀！
小食仲未完架，再黎美式香脆雞翼($76)，外層炸得香脆，入面仲係保持嫰滑，最完美既雞翼狀態！點埋甜酸醬，美味！
跟住主角黎勒，花樣迷人窩夫($78)，真係無改錯名，窩夫既形狀就好似一朵盛開既鮮花咁，可以每塊「花瓣」搣出黎食。窩夫外面香脆，入面軟綿，有蛋香，上面既材料亦豐富：兩球雪糕(士多啤梨同朱古力)、鮮忌廉、香蕉、士多啤梨，同窩夫好夾。
另一個主角係焦糖香蕉雪糕窩夫($78)，香蕉面層有脆糖，咬落去卜卜聲，香甜；今次呢個係雲呢拿雪糕，雪糕入面有雲呢拿籽，香滑。我地五姊妹票選，「花樣迷人窩夫」同「焦糖香蕉雪糕窩夫」既得分分別係三比二，票數非常接近！其實兩個都好味，只係大家口味唔同啫。
Post
