Video
Read full review
2023-07-24
49 views
今日星期日，下午六點未夠，喺銅鑼灣行完SOGO，累累地又想搵個地方食個早晚飯順便休息吓。係OpenRice 做research,見到鬼金棒好多好評，咁就試下佢啦。拉麵店其實就係銅鑼灣地鐵站SOGO 出口行大概2分鐘就到喇。其實就係世貿對面，好方便。舖頭外面裝修得好有特色。有惡鬼嘅圖像，又有大大支鬼神平時揸住嗰支棒既模型。雖然我六點前就到，但都已經差唔多滿座了，好彩早一步到，唔使等位就可以坐低喇。店舖入邊裝修得仲有特色過出面。有好多惡鬼嘅面具仲打埋紅色嘅光。好有氣氛。嚟到拉麵店梗係點拉麵食啦。我哋兩個人，一個點左特製麻辣味噌拉麵，無辣無麻。另一個點左炒豆芽菜辣麻味噌拉麵,小辣小麻。因為想食啲蔬菜，另外再叫咗個增量玉米筍。叫咗一罐芬達同一罐zero可樂.特製麻辣味噌拉麵，有兩大嚿叉燒，仲有隻糖心蛋。份量真係好大。炒豆芽菜辣麻味噌拉麵，就有一嚿叉燒，再加大量芽菜，份量都唔野少。兩個湯底睇個色澤就知好濃郁，飲落真係好好味。至於拉麵質地，軟硬度適中。舊叉燒真係必食，佢係厚切，見到肉同埋脂肪一層一層咁，煮得好入味，又唔會太過林冇晒咬口。佢嘅芽菜係有炒過先至加落拉麵度，有誠意！增量玉米筍，冇諗過係咁
見到鬼金棒好多好評，咁就試下佢啦。
拉麵店其實就係銅鑼灣地鐵站SOGO 出口行大概2分鐘就到喇。其實就係世貿對面，好方便。
舖頭外面裝修得好有特色。有惡鬼嘅圖像，又有大大支鬼神平時揸住嗰支棒既模型。
雖然我六點前就到，但都已經差唔多滿座了，好彩早一步到，唔使等位就可以坐低喇。
店舖入邊裝修得仲有特色過出面。有好多惡鬼嘅面具仲打埋紅色嘅光。好有氣氛。
嚟到拉麵店梗係點拉麵食啦。我哋兩個人，一個點左特製麻辣味噌拉麵，無辣無麻。另一個點左炒豆芽菜辣麻味噌拉麵,小辣小麻。因為想食啲蔬菜，另外再叫咗個增量玉米筍。叫咗一罐芬達同一罐zero可樂.
特製麻辣味噌拉麵，有兩大嚿叉燒，仲有隻糖心蛋。份量真係好大。
炒豆芽菜辣麻味噌拉麵，就有一嚿叉燒，再加大量芽菜，份量都唔野少。
兩個湯底睇個色澤就知好濃郁，飲落真係好好味。
至於拉麵質地，軟硬度適中。
舊叉燒真係必食，佢係厚切，見到肉同埋脂肪一層一層咁，煮得好入味，又唔會太過林冇晒咬口。
佢嘅芽菜係有炒過先至加落拉麵度，有誠意！
增量玉米筍，冇諗過係咁大碟，只係$30咋！有啲蔬菜類中和下，食完更舒服.
糖心蛋個呈深橙色，半熟流心真係令人回味.
總括嚟講呢間餐廳裝修好靚好特別，份量足，味道好，價錢唔貴。值得再嚟.
Post
