飲茶‧私房菜 (南豐大廈) (Closed)

同朋友報名參加飲茶點心製作班，整左最愛嘅流沙包「睇住流奶」，每人整3個，整完仲可以自己食返或者帶返屋企食。第一次親手整包，過程好好玩，點心師傅好詳細講解每個步驟，玩得好開心。公司有team building活動可以考慮下整點心呀講返個包，樣得意就唔再講，個流心餡真係好好好好好好味！好香咸蛋黃同牛油味又唔會太甜，自己一個可以食哂一籠都唔覺得滯。場地方面，餐廳好大好舒服，環境優雅。同屋企人或者朋友嚟食飯都好適合。員工都好有禮貌，斟茶遞水都快，而且好照顧每位整點心嘅學員。