泰國人海南雞 (Moved) New Location

嚟緊返大陸🇨🇳玩，去咗深水埗鴨寮街買電話卡，就順便食埋個晚飯。之前喺旺角都見過呢間泰國餐廳，所以我同朋友就入咗呢間深水埗分店食。揀咗個二人套餐A $188 ,諗住唔使煩咩都有得食。上咗個冬陰公湯🍲先，都幾大碗，夾埋我同朋友都每人飲到兩碗，個湯酸酸辣辣，對於我唔係咁食得辣嘅我覺得有啲辣，但個感覺好爽，入邊有蝦同菇都幾足料。泰式海南雞🐔🐔，雞肉又幾滑，重點係無骨，啱晒我呢啲懶人，一啖可以食落肚。咖喱牛腩🍲就有點失望，牛腩偏un，咖喱汁都係好一般，只有少許辣味，薯仔就好大舊，但係都係一般。春卷拼魚餅更加失望😧，食落一口都係油，味道都唔係好突出，小食真係好麻麻。兩個人加一，埋單＄200 ,價錢唔係貴，但係只有海南雞值得推薦，其他真係好一般。