泰國人海南雞 (Moved) New Location

叫了一碟咖哩牛腩飯 極之差勁 因為牛腩少之又少 只有一塊體積大小小 其他兩塊好似五元硬幣咁細 而且不是牛腩 而是牛肉塊 不值得去 関於免費送的熱奶茶 味道普通 而且不是港式奶茶 不過他們說是泰或奶茶 所以我都無問題啦

嚟緊返大陸🇨🇳玩，去咗深水埗鴨寮街買電話卡，就順便食埋個晚飯。之前喺旺角都見過呢間泰國餐廳，所以我同朋友就入咗呢間深水埗分店食。揀咗個二人套餐A $188 ,諗住唔使煩咩都有得食。上咗個冬陰公湯🍲先，都幾大碗，夾埋我同朋友都每人飲到兩碗，個湯酸酸辣辣，對於我唔係咁食得辣嘅我覺得有啲辣，但個感覺好爽，入邊有蝦同菇都幾足料。泰式海南雞🐔🐔，雞肉又幾滑，重點係無骨，啱晒我呢啲懶人，一啖可以食落肚。咖喱牛腩🍲就有點失望，牛腩偏un，咖喱汁都係好一般，只有少許辣味，薯仔就好大舊，但係都係一般。春卷拼魚餅更加失望😧，食落一口都係油，味道都唔係好突出，小食真係好麻麻。兩個人加一，埋單＄200 ,價錢唔係貴，但係只有海南雞值得推薦，其他真係好一般。

係附近返工 忽然想食海南雞 行過路過經過呢間 所謂「·泰國人海南雞」便試下龍與鳳首先睇下海南雞先哇 見到好油膩 好多雞油 唔🉐️lor咬落口感OK既 但雞味唔重🌝🌝再來 例湯 咩老火湯 其實係味精湯 完 深水埗區 55$來講算係貴架啦 講真 呢度一次有多🙄🙄

難得識電腦嘅朋友，陪我到深水埗買手提電腦，當然要請佢食番餐飯，多謝下佢。因為朋友鍾意食海南雞，所以我地揀左食泰國人海南雞。買完電腦都成九點，店內嘅客人唔多，亦唔需要等位。泰式海南雞飯餐 $58 + 特飲 (+$10) - 冬瓜湯只是味精湯一碗，湯內有冬瓜粒蔥花，但碗湯係無冬瓜味。海南雞份量算ok，大約八件，雞肉去晒骨，食落啖啖肉。但可惜肉質唔算滑，而且雞肉味好淡，仲有一兩件雞肉仲有肥膏，係d醬汁好少少，比較惹味。油飯亦麻麻地，雖然有淡淡香茅味，但油飯完全係無油嘅感覺，而且食落仲好乾。其實以呢個價錢黎講唔叫平，但奈何會提供呢個質素？

泰國人海南雞飯開到週街都係周圍都見到佢嘅蹤影味道方面 一路都係keep住水準所以今次喺深水埗行街行到肚餓諗都冇諗就即刻走咗入去位置方面位於深水埗嘅福榮街附近一大堆食肆地理上算係一個好好嘅地方雖然競爭會好大作為方面都算盤內有其我去嘅時候係下午茶時段根本都唔會有人好似我咁痴線下午茶去食個飯所以根本上乜人都冇好多為一個人坐一張大圓枱好開心好興奮味道方面 嘢食好好食 尤其係個海南雞飯過海南雞醬撈汁咪係撈飯真係好正好好味 keep住水準 冇乜嘢特別不過不失侍應嘅態度好好好係值得讚嘅地方總括而言只得一直冇乜特別

今日放假，諗住同婆婆外出吃飯，見未肚餓就等下午茶至食。 週末和假日福榮街食肆非常多人，今日係平日就試下，食泰國菜。 入到去無乜人，即刻有位，檯與檯間很迫。 叫左兩份下午茶餐。 札肉肉碎金邊粉和喇沙魚蛋雞絲金邊粉，配兩份小食，飲品要加錢，青蘋果蜜特飲和凍奶茶。 札肉肉碎金邊粉同春卷正常，但喇沙魚蛋雞絲金邊粉得過"辣"，唔係喇沙味，婆婆話食唔落炸魚餅，因為太 "韌"。 睇menu特飲張相係用大玻璃瓶裝，要加十圓，但原來係用個細杯裝，有些與餐牌上相片不相符的感覺。 下午茶咁樣水準有點貴同唔抵，下次有得揀應該唔會幫襯。

有一段時間無黎過食下午茶 ，難得今日時間許可，就黎左食我好中意嘅泰式海南雞撈金邊粉。成個餐除左金邊粉，仲有湯同埋可樂或雪碧。雞滑而且有咬口，吾會話淋同無咩雪味，但就偏生，腸胃吾好嘅就要小心啲。至於最特別的撈金邊粉就有啲令人失望，以前食真系覺得好香，有啲花生，吾同嘅醬料溝埋嘅獨特香味，食到吾想停！但今次第一口已經覺得失望，有調味但好普通。至於湯，都幾好，清甜配粉好入口。但以$38一個下午茶餐黎計，佢份量絕對吾小，而且整體味道又幾好，下午茶時間人吾多又坐得幾舒服，食物又相對有特色，咁我覺得佢性價比都系高嘅！希望今次只系小失誤，下次會回復水凖。PS.上次食過午餐嘅雞絲喇沙，啲雞絲雪味真系好重，如果介意雪味嘅話就真係唔建議叫😳

泰國野食嘅次數唔少 今次真係從未有過嘅咁難食 食左1. 黃咖哩羊腩飯2. 海南雞飯3. 串燒牛肉飲品 柑桔檸檬首先個咖哩飯 啲羊腩係一片片薄到冇朋友嘅「羊腩」瘦到勁柴 想話咬爛少少都難 其實係咪腩黎架？ 仲要丁屎羊味都冇 我都唔知自己食緊啲咩肉個海南雞飯個飯 油多到倒得出油 但係唔知點解碗飯一啲都唔香口 剩係得個濕同油膩 啲雞算係最正常然後個串燒牛肉 激到我彈 個串燒係炸架 係炸架 我講多次係炸架 你以為俾幾廿蚊會有燒物食？ 冇架 我問過店員 佢都坦然咁話 串燒不嬲都係炸架 十幾蚊一串 洗食佢啲冇味炸牛肉好啦 啲野咁難食 諗住飲啖野沖一沖淡少少 點知杯柑桔檸檬係又咸又酸又甜⋯⋯⋯⋯⋯ 唉 如果我係嗌咸柑桔 我心甘命抵⋯⋯ 就係咁 我依家有少少肚痛 食唔食就你諗你喇 相我就冇喇 我冇打開食評 冇相機食先嘅習慣 但係真係太難食 我忍唔住

是日要到深水埗整hard disk,整完順勢係呢條街搵食。男人話好想食海南雞，未食過呢間，而我就覺得呢間麻麻地,因之前試過一次，冇記錯係同功夫點心，阿糊米線同一集團，都係工場貨。兩人叫左個2人套餐，有海南雞，有炸春卷蝦餅，有咖哩菜，有鳳爪，有冬陰功湯，有飯有甜品，有飲品，再加一....普通野，但味道還可以，通常交貨都係咁嘅味，唔係自家包的春卷。海南雞例牌，雞比位啖啖肉，不過冇雞味，似係鹽水浸多於雞湯浸，個醬唔得。呢個鳳爪冇味的。有點失望，食落好重雪味。應該看辟雪味再醃製。起碼要蓋左陣雪味！所謂的咖哩雜菜，只係好港式仲差過茶記的咖哩汁（冇味的）好似開粉埋獻就了事，又似萄汁，然後雜菜只有大量的椰菜，其他菜，唔覺好多。甜品係千層糕加椰汁？千層糕煙靭的，但上面果啲汁太甜，唔加反而更好！

行完JCCAC，三個人想坐得舒適點，就挑了這間餐廳。朋友點了豬手飯和金邊粉，我就以為招牌菜一定得，故選了海南鷄飯。另加了$10青蘋果蜜。海南鷄有骨唔緊要，但真係唔滑唔嫩的。而青蘋果蜜也－pet 醬在水中，其實甜又不太好飲。

呢日來到深水埗行街，其實都唔啱我行，只係陪屋企人。晏晝就去咗泰國人海南雞食海南雞飯，午市套餐都幾抵食，有海南雞飯、湯同埋嘢飲，都只係50幾蚊。海南雞件都唔少，肉質尚算嫩滑，但雞皮脂肪太厚，比例唔係咁靚，而且油飯味道較淡，海南雞嘅醬汁亦都唔夠惹味，有點失望。

泰國人海南雞週圍都有分店，其實我都唔係第一次幫親佢，不過下午茶就係第一次原來佢地既下午茶餐都幾扺食，一個餐有小食，有個麵，有杯飲品，如果要特飲就加十蚊。小食我點了春卷，新鮮炸起，外脆內暖。主食係喇沙，有點辣，不過可接受最後點了椰汁珍多冰，𣎴太甜，配合喇沙有少少的辣一流

今晚點左海南雞飯，包例湯，今晚例湯係冬瓜湯首先講下個海南雞飯，雞算多，肉質夠滑，個醬好特別，酸甜辣，點雞一流冬瓜湯夠熱，清清甜甜好味朋友點了泰式雜錦金邊粉，有牛丸，扎肉等等，好多料，朋友都好滿意兩個人百零蚊埋單，好抵呀

星期六放工落深水埗買電腦難得落去深水埗 當然要去搵下食啦心血來潮想食泰國野 捉埋友人陪食😁下午茶時間 都幾多選擇 重包罐裝飲品 抵！海南雞飯 飯底有雞油味 夠晒香濃但唔油雞肉嫩滑 點埋餐廳嘅酸辣醬汁 味道更加豐富友人點左牛丸肥牛湯金邊粉入口湯底清到好似無味咁⋯不過牛丸幾彈牙 攞返少許分數金邊粉重有小食送 兩條無乜料嘅春卷😑價錢來說係平民化抵食嘅可惜只有海南雞飯好食⋯實在令人失望！

同屋企人拜完山，就同屋企人試下海南雞呢間餐廳，因為佢出名就係佢啲海南雞！一行三人，入到去，服務員D態度幾好，細心為我地準備餐牌，甘我地三個人就叫左三樣野食喇！甘我地就叫左出名嘅泰式海南雞飯、黃咖喱雞飯及冬蔭功豬頸肉湯金邊粉。食落啖啖都係鮮甜肉嫩嘅海南雞，配搭上秘製海南雞醬，見到好多人都食，睇見都流哂口水！飯，呈現黃色，因為配左油，要食得滋味，快D試下呢度嘅海南雞飯！仲有，要試嘅野又點止一海南雞呀，我地叫左個黃咖喱雞飯。一食停唔到，想忍下口都唔得！唔係幫佢賣廣告，但佢D咖喱同辣度唔會話好大分別，食落D雞俾D咖喱鎖係D醬汁，啖啖都會咖喱味，你點可以唔試呀！另外，我地亦都點左個冬蔭功豬頸肉湯金邊粉，金邊粉爽口彈牙，仲鎖住D冬蔭功，辣得黎又好食，唔係話麻辣，豬頸肉唔會太靭，所以值得一試！