自家點心 (Closed)

又是週日下午同太座行花街的日子, 早一個月才去過這區的米芝蓮推介嘅點心專門店, 感覺是一般以上但坐位之狹小實在是令自己唔願去的原因之一, 而當天想起差不多一年前跟啡友到另一間的點心專門店食過, 於是同太座再去一次囉, 當天都試了大部份平時食的點心, 大致試如下:蠔皇义燒飽$16 三隻: 個飽皮多餡少, 义燒餡都可以嘅,水晶蝦餃皇$14 兩隻: 皮稍厚但餡嘅蝦肉還是算有點鮮味的,鮮蝦菜苗餃$20 三隻: 餃皮夠透明, 惜餃的摺痕淺不夠立體, 蝦夠多且還帶點鮮味, 但菜苗比較粗纖維不是人人啱咀形而已黃沙豬潤腸$18 三條: 腸粉皮合格, 但豬潤極少且碎之外, 更要絕對過熟, 熟過蘢的豬潤必定是死實的了,醬皇蒸鳳爪$17 比較似樣的點心算是這個了, 醬的咸味沒有過咸, 鳳爪皮嘅軟硬度適中,香煎蝦米腸$18 腸粉質地普通, 蝦米同蔥青都不少但個甜醬亦是同其他店嘅甜醬一樣相當難食, 無好過有嗰隻!鮮竹牛肉球$17 三球: 牛肉球質地夠鬆, 味道通常都好假, 這裡也不例外罷了,