Video
Read full review
2017-11-29
21 views
大家可能對灣仔石水渠街呢個地方較為陌生，但一講到灣仔活化古蹟「藍屋」， 大家都可能會聽過。話說有日去藍屋打卡過後， 就到附近嘅【Elmo’s Bistro & Bar】chill一chill~餐廳門口放咗幾張戶外吧枱櫈， happy hour嘅時候企滿客人， 感覺就有如置身外國嘅小巷餐廳，非常有感覺。餐廳入面嘅擺設亦夠曬rock n roll， 望住牆上面嘅黑膠唱片，配上輕快嘅音樂，令人相當輕鬆， 加上少少酒精嘅催化 ，不知不覺就墮入咗外遊歐陸嘅回憶之中。一坐低， 店員就送上熱辣辣嘅法包多士， 呢個餐前多少最特別嘅就係用嚟點包嘅《蒜泥黑油醋》， 平時點意大利油醋點得多， 不過加上新鮮蒜泥，倒是第一次試。新鮮即磨蒜泥辛口，蒜味非常香濃， 加上酸中帶少許甜嘅意大利黑醋， 味道非常匹配。 比起平時食開嘅蒜蓉包， 多咗一份辛口感，讚~平時食小食都好鍾意嗌雞翼，呢度就有兩款味道非常特別嘅雞翼。 分別係黃金雞翼《Golden Chicken wings》， 同埋藍芝士雞翼《Blue cheese Chicken Wings》。 兩款味道都相當有個性， 用嚟佐酒就最適合不過。先講吓大廚特別調配嘅《黃
話說有日去藍屋打卡過後， 就到附近嘅【Elmo’s Bistro & Bar】chill一chill~
餐廳門口放咗幾張戶外吧枱櫈， happy hour嘅時候企滿客人， 感覺就有如置身外國嘅小巷餐廳，非常有感覺。
餐廳入面嘅擺設亦夠曬rock n roll， 望住牆上面嘅黑膠唱片，配上輕快嘅音樂，令人相當輕鬆， 加上少少酒精嘅催化 ，不知不覺就墮入咗外遊歐陸嘅回憶之中。
一坐低， 店員就送上熱辣辣嘅法包多士， 呢個餐前多少最特別嘅就係用嚟點包嘅《蒜泥黑油醋》， 平時點意大利油醋點得多， 不過加上新鮮蒜泥，倒是第一次試。新鮮即磨蒜泥辛口，蒜味非常香濃， 加上酸中帶少許甜嘅意大利黑醋， 味道非常匹配。 比起平時食開嘅蒜蓉包， 多咗一份辛口感，讚~
平時食小食都好鍾意嗌雞翼，呢度就有兩款味道非常特別嘅雞翼。 分別係黃金雞翼《Golden Chicken wings》， 同埋藍芝士雞翼《Blue cheese Chicken Wings》。 兩款味道都相當有個性， 用嚟佐酒就最適合不過。
先講吓大廚特別調配嘅《黃金雞翼》，呢個可謂港式Fusion菜，大廚用咗牛油同鹹蛋黃，秘製出甘香美味嘅黃金醬汁，食落一d都唔油膩，充滿鹹蛋黃嘅咸香，而且雞翼被開半，單骨食落更方便。
《藍芝士雞翼》嘅Blue cheese味非常香濃，鹹香十足，每口都充分表現出藍芝士果份獨特，而又無可取締嘅味道，鐘意Blue Cheese嘅朋友絕不能錯過。
《Curry Flower》取咗椰菜花英文Cauliflower嘅諧音，固名思意，係咖哩椰菜花。大廚將椰菜花伴上蜜糖芥末醬，同咖哩粉，甜甜地，同時亦有咖哩嘅香料氣息。椰菜花夠爽脆，但硬度拿捏得恰度好處，非常味美。
到主菜出場《香煎比目魚》，表皮煎得金黃香脆，咬落卜卜聲，夠晒香口，而魚肉部分又能鎖住肉汁，肉質夠油份。配菜部分有令人口味十足嘅手打紫薯蓉，大廚放咗啲芝士入紫薯蓉入面，形造出拉絲感覺，每口都充滿紫薯香氣，以及牛油香。口感既滑溜，但又不失手打出黎嘅粒粒口感，突顯出大廚嘅誠意。
《Grilled Japanese Natural Pig》用咗來自日本嘅野生豬，野生豬用咗放牧嘅方法飼養，肉味香濃，肥瘦均勻，肉質夠嫩滑juicy。大廚用上山楂汁黎配搭豬肉，食落酸酸甜甜，又滲出一點果香。配菜用上咗菠菜蓉及炒薯粒，菠菜蓉吸收咗豬肉汁，味道突出。
另外傾得耐總會口乾，當然有叫返幾杯cocktail飲下啦~
呢杯《Aperol Spritz》用咗意大利苦橙酒，以及sparkling wine, 味道酸酸地又帶點獨特苦味，酒精含量唔少，飲下幾口後，心情放鬆不少。
呢個週末，既到咗藍屋打卡影靚相，又食咗餐咁滿意嘅晚餐，可謂滿意十足，得閒Chill一Chill，煩惱自然飄~
Post
