美心皇宮 (Closed)

難得一日放假，老媽子約飲茶，屋企附近冇乜嘢茶樓，又唔想行去太埔，就只有呢間啦…本來呢間酒樓假期一定多人，仲要加埋國慶日班自由行，落到去已經門口逼到爆…諗住攞咗飛先行陣街好快有位，點知我地行完街返到嚟仲要等，前後要等成粒鐘先有得座…呢間酒樓有個特式就係佢仲保留點心車，依家除咗上環蓮香之外都冇乜地方搵到。點心車有好有唔好啦，唔好在佢人多果時啲小朋友好易撞親，但係佢好在有點心出時你可以揀過籠靚先要，名乎其實既點心﹗。味道方面就一般啦，蝦餃、豆苗餃啲餃皮太黏口，其他都係大集團標準味道，冇大驚喜…最離譜就係佢個排骨飯，大細同酒樓既蚊型飯碗一樣大，食咗等於冇食過﹗