得閒飲茶

Open Now

Now Closed

阿妹話好想飲茶食點心，但係又唔想去酒樓，我就醒起之前好多人都介紹過呢間點心店。咁我哋就去試吓啦。我哋差不多2:30先到，唔使等位。我哋兩個人起身之後都未食過嘢，所以放肆左d, 嗌咗9樣。蝦餃之王 XO醬菜苗餃山竹牛肉醬皇蒸鳳爪原籠蔗糖馬拉糕古法馬拉糕*上面呢五樣就正正常常咁冇乜特別。春風得意腸 （呢個我覺得最好食，有蟹子、粟米粒、蝦，食落去好有口感又唔油膩）千島醬脆皮蘿蔔糕（呢個一食落去好似食緊章魚小丸子咁👍）蟲草花灌湯餃 （好入味好好飲，最緊要唔咸）蒜香蝦春卷 （呢個我第二鍾意食因為佢個皮好薄脆，蝦肉仲好彈牙又有重蒜香好嘢味）*啲點心都來得好快啊，上枱時仲熱辣辣。 地方又寬敞嘅都坐得舒適，都啱傾偈，不過有少少唔好就係枱面有少少立痴痴，我要自己用濕紙巾抹一抹就好了。