Video
Read full review
2017-06-11
1288 views
其實認識呢個品牌已經係幾年前既事，記得第一次食係尖沙咀諾士佛臺分店，當時叫左限定紫薯口味。見住佢即時整真係覺得好神奇><Liquid Nitrogen原來真係可以整到野食出黎!(可能我文科女出身,唔好見怪)成個雪糕紫到出，不久都覺得紫薯味真係超級強烈！食曬之後仲有少少胃痛添，跟住就斷斷續續食過幾次,無咩特別留意佢！直至最近，佢地社交平台搞送禮活動。咦好似幾咁鬼馬喎，獎品係一個火鍋-----而且仲要係綿花糖火鍋😉聽落都興奮。Lab Made好似仲未正式賣呢隻產品，但中獎者可以有一個免費綿花糖火鍋，俾我咁好彩抽！中！左！等我率先同大家試食啦。我起初以為份量好細。點知淨綿花糖已經滿滿一大個紙碗，視覺上有無比震撼！之後反差好大既就係個的的式式既火爐仔，唔會太熬夠曬安全。再黎係一碟用黎點綿花糖既配料，真係相當精緻：有朱古力同杏仁包住既雪糕球、新鮮生果﹝士多啤梨同藍莓﹞、餅乾兩塊、朱古力醬同檸檬醬。不過我好「論盡」、轉枱果陣唔小心將朱古力醬同檸檬醬整跌左，無得食啦….職員喺你食之前會同你細心講解邊樣要食先同埋點樣食，不過我都係無理佢想食咩就食咩先。士多啤梨同藍莓份量都足夠既、夠兩個
其實認識呢個品牌已經係幾年前既事，記得第一次食係尖沙咀諾士佛臺分店，當時叫左限定紫薯口味。見住佢即時整真係覺得好神奇><Liquid Nitrogen原來真係可以整到野食出黎!(可能我文科女出身,唔好見怪)成個雪糕紫到出，不久都覺得紫薯味真係超級強烈！食曬之後仲有少少胃痛添，跟住就斷斷續續食過幾次,無咩特別留意佢！
直至最近，佢地社交平台搞送禮活動。咦好似幾咁鬼馬喎，獎品係一個火鍋-----而且仲要係綿花糖火鍋😉聽落都興奮。Lab Made好似仲未正式賣呢隻產品，但中獎者可以有一個免費綿花糖火鍋，俾我咁好彩抽！中！左！等我率先同大家試食啦。
我起初以為份量好細。點知淨綿花糖已經滿滿一大個紙碗，視覺上有無比震撼！之後反差好大既就係個的的式式既火爐仔，唔會太熬夠曬安全。
再黎係一碟用黎點綿花糖既配料，真係相當精緻：有朱古力同杏仁包住既雪糕球、新鮮生果﹝士多啤梨同藍莓﹞、餅乾兩塊、朱古力醬同檸檬醬。不過我好「論盡」、轉枱果陣唔小心將朱古力醬同檸檬醬整跌左，無得食啦….
職員喺你食之前會同你細心講解邊樣要食先同埋點樣食，不過我都係無理佢想食咩就食咩先。士多啤梨同藍莓份量都足夠既、夠兩個人食，亦都新鮮無酸味。點左綿花糖之後比較難燒焦，因為水份較重。
我比較欣賞個餅乾，因為沾左綿花糖之後燒一燒就勁香焦糖味，賣相好吸引。擺落口餅乾仲係好脆，同燒到淋曬既綿花糖非常之夾，正。
反而麻麻地個脆皮雪糕，第一， 個皮濕濕地太硬，燒極都未食得又怕佢溶。第二，入面雪糕個味道唔吸引，我無食錯就應該似係杏仁咖啡/朱古力之類，食落口好強杏仁味，但唔知點解咸咸地…..可能係綿花糖太甜，而一味只見啡色雪糕但又食唔出味，所以食左一半就放棄左。計我話應該用唔會比綿花糖搶味既雪糕，例如比較酸既菠羅、柚子、檸檬等等。
食到一半d綿花糖原來真係會杰曬，但係我同朋友都盡左力啦食唔落，真係唔好睇少佢咁的式，如果唔大食起碼夠三個人食。
同場加映仲有海鹽焦糖味雪糕，比起當初我食果陣真係進步左唔少！鹽味同糖味各佔一半，配合得好好。最欣賞係餐牌上列左每隻雪糕都列明左有無明膠或者麩質，非常細心。下次再有新味都好想eat下><!
18 views
0 likes
0 comments
Post
