壹米線 (Closed)

兩位服務員姨姨態度極好，天氣太熱叫凍檸水，其中一位姨姨話見到我條頸有做刮痧，叫我唔好飲凍野。我問咁豆漿有冇唔凍。佢話冇，不如飲熱檸水。我話好。但佢見我嗰樣唔係好想飲熱野，（天氣咁熱，食麻辣米線，唔會想飲熱嘢）😖😖佢主動話幫我坐暖豆漿，我話好。之後聽到水吧有個疑似老闆嘅男人好大聲同個姨姨講，浸熱水？唔做呀，做得一次，就有下次。聽唔到嗰姨姨同佢講咗啲咩，嗰男人就話，同嗰客講只有今次，冇下次。姨姨體諒客人反而比人話，好在唔係我自己話要，如果唔係我會仲內疚。真心湯底好好味 但無論米線定餸嘅份量都勁少，米線26蚊，加厚腩肉12蚊，但腩肉得1.5舊，其中0.5舊仲要全部肥膏🙄以為係底，拎筷子🥢搵極都係得1.5舊水吧嗰男人將口罩拉到落條頸，冇戴好口罩幫啲客沖嘢飲😡😡冇下次😇都係教育路川味閣性格比高，大碗，好食，態度好