Video
Read full review
2021-10-17
1242 views
員工之間冇溝通，超級混亂！早幾日已經一早book咗今晚6:00（食第一輪晚上6:00-8:00，即8:00前要交枱）4位。因為打電話去訂位嘅時候，問定佢地有冇阿拉斯加長腳蟹，職員話有好多隻，hold定一隻比我，仲話可以自己去魚缸揀添！一心諗住媽媽生日，可以氹下媽媽開心！所以5:55已經入坐，差唔多係酒樓頭幾張枱嘅客。侍應話可以走去魚缸揀長腳蟹，初初話叫我地就甘去魚缺邊，同同事講幾多號枱就得。點知後來我同爸爸去都爸爸去到魚缺位，又話要帶枱卡，我又行返去拿。我爸爸一直企係魚缸邊等、之後有幾個客走過黎魚缺邊企喺我哋隔離，但好搞笑，洒家個員工一直係魚缺度捉左三隻長腳蟹，各放落三個桶就走咗去。完全冇理會我哋！我唯有問收銀職員（收銀櫃檯正正對住魚缺）係咪喺度等？收銀員工話「會叫同事出黎，企係度等得架啦！」當等左陣個職員真係返來，但佢冇問排隊次序，比三個客打左我地尖，遇到啲幾個打尖嘅無品客，心情當然唔開心，雖然我亦嘗試同其中一個客講「我哋嚟先」但係個亞叔扮晒嘢，話自己第一個來到，完全係講大話，員工當然唔會理，我哋亦唔想同人爭、已經啞忍！成個安排真係好失當！最後嗰幾個打尖客揀完一隻又唔啱，又要揀過，來
早幾日已經一早book咗今晚6:00（食第一輪晚上6:00-8:00，即8:00前要交枱）4位。因為打電話去訂位嘅時候，問定佢地有冇阿拉斯加長腳蟹，職員話有好多隻，hold定一隻比我，仲話可以自己去魚缸揀添！一心諗住媽媽生日，可以氹下媽媽開心！
所以5:55已經入坐，差唔多係酒樓頭幾張枱嘅客。侍應話可以走去魚缸揀長腳蟹，初初話叫我地就甘去魚缺邊，同同事講幾多號枱就得。點知後來我同爸爸去都爸爸去到魚缺位，又話要帶枱卡，我又行返去拿。
我爸爸一直企係魚缸邊等、之後有幾個客走過黎魚缺邊企喺我哋隔離，但好搞笑，洒家個員工一直係魚缺度捉左三隻長腳蟹，各放落三個桶就走咗去。完全冇理會我哋！
我唯有問收銀職員（收銀櫃檯正正對住魚缺）係咪喺度等？收銀員工話「會叫同事出黎，企係度等得架啦！」當等左陣個職員真係返來，但佢冇問排隊次序，比三個客打左我地尖，遇到啲幾個打尖嘅無品客，心情當然唔開心，雖然我亦嘗試同其中一個客講「我哋嚟先」但係個亞叔扮晒嘢，話自己第一個來到，完全係講大話，員工當然唔會理，我哋亦唔想同人爭、已經啞忍！成個安排真係好失當！
最後嗰幾個打尖客揀完一隻又唔啱，又要揀過，來來去去，起碼搞咗15分鐘。最後我哋唔使3分鐘，揀左隻6斤6嘅長腳蟹後，諗住希望一切順利吧！
點知…我哋已經食晒之前叫嘅餸，冇嘢食，只係等隻蟹出埸…….一直見住隔離同後面枱遲過我哋入坐、當然後過我哋揀蟹（又係叫長腳蟹），重要食完走埋。我哋追咗幾次，職員話我哋隻蟹好大隻，個爐唔夠位，叫我哋等多15分鐘，一定有！
之後我地眼見陸陸續續嘅長腳蟹喺傳菜車推出來，喺我哋身邊經過，一直期望係我哋㗎啦掛，但係每次都係失望而回！唔講笑，起碼近十隻長腳蟹、冇一隻係我哋嘅！
期間，我哋發現側邊枱有兩枱客都投訴緊，一枱係打邊爐，佢哋個爐一直唔work, 員工知道後，又冇咗件事，冇幫佢哋跟進。佢哋等咗超過半個鐘，食物已經喺晒枱面，但係冇得打邊爐！
另一台，又係叫咗嘅嘢好耐未嚟，客人問員工攞醬汁，員工答冇呢個醬汁。之後聽到客人話，上次來食咪就係有呢個醬。
因為一直冇嘢食，四個人呆等又八卦完其他枱嘅投訴之後，職員之前說好15分鐘嘅蟹完全冇動靜，已經20幾分鐘啦，心諗， 已經7:30 ，隻蟹又唔知幾時先來，8:00點樣可以交枱呢？追又追過，嬲又嬲過，我哋唯有放棄，決定埋單走人！其實我哋叫左個南瓜菜煲，如果佢哋有心留客人，應該先出咗厘個餸等我哋食住等。
母親大人嘅生日飯食到一肚氣！而且酒樓啲藉口話隻蟹太大，實在係太funny. 中間因為一直等等等太無聊所以我哋又留意到，有個男經理，完全係唔做嘢，好卸膊嗰啲！有兩個女職員，做到上氣唔接下氣！
呢間野，一定冇下次！！！上個月爸媽試過來飲茶，等咗45分鐘先至有第二碟點心到，中間追果經理又話冇漏單，之後再追又話係漏咗單！諗住俾多次機會佢哋，試吓晚餐會唔會好啲，點知都係衰咗！
Post