五道手抓餅專門店 (Closed)

呢啲垃圾鋪頭簡直係浪費緊珍貴嘅糧食同社會資源。係熊貓叫外賣，得兩杯飲品都可以送漏一杯，另一杯所謂嘅黑糖珍珠鮮奶就係一杯奶水加幾粒唔知放左幾耐，硬過石春嘅珍珠。揀左個自選手抓餅，求其放塊隔夜漢堡，丟幾塊蘑菇落去，揀左芝士醬但送到嚟汁都無滴，話呢啲叫垃圾食物都侮辱左垃圾。仲有，最令人O咀嘅係送賣員送嚟嗰陣時係就咁徒手揸住杯嘢飲，一手拎住個餅，我打開門嗰下以為個外賣係外賣員自己買嘢返屋企食，換言之係零包裝，個外賣員仲同我講唔小心打瀉咗啲，主要原因係因為呢間垃圾站連比個袋去袋住啲嘢都無。幾十歲人都未試過d咁差嘅鋪頭，洗左成舊水就係買左一杯奶水同一舊乾爭爭嘅餅。你執咗佢咪阻住地球轉，返鄉下耕田咪出嚟呃飲呃食啦！