Video
Read full review
2017-07-22
1176 views
愉景新城對面有間睇落似酒吧嘅Chalet,原來係西餐廳嚟,呢日我哋就嚟試試.由玻璃大門走入去,係一個設計好似小花園咁嘅位置.用咗單車同藤籃做裝飾,幾得意.裝潢用木材為主,好英倫小木屋嘅感覺,晌荃灣嚟講呢類型餐廳都真係幾少見.午市以套餐為主,價錢由七十幾到百幾不等,而且唔洗加一,都算合理.我哋叫咗兩份午餐,先嚟嘅係餐湯同沙律,呢日係雜菜湯,湯入面有大量切粒椰菜,意大利青瓜等等,大大增加蔬菜攝取量.沙律就淋咗黑醋,幾醒胃.側邊嘅麵包烘到暖暖哋,外面脆入面有少少煙韌,質素唔錯.意大利煙肉芝士配菠菜沙律伴日式芝麻醬,表面鋪滿芝士碎.煙肉煎得香口唔乾身,底下仲有菠菜,咀嚼起嚟清甜爽脆,配埋車厘茄同微酸嘅日式芝麻醬,作為主餐的確好輕盈.澳洲穀飼肉眼扒配有機薯片伴芝士忌廉汁,以呢個價錢嚟講肉眼扒好大塊,食落口感軟嫩有油香.起初以為有機薯片係指炸到脆身嗰種,實際係將薯仔切成片狀,再撈埋芝士忌廉汁,既滑溜又惹味,比想像中有誠意.我哋仲試埋呢度嘅mocktail,呢杯Refeshing係用咗鮮西柚汁,檸檬汁同梳打調成,再用風乾西柚點綴,飲落有果香又可以消滯.Girls Generation個杯好似一個小小
愉景新城對面有間睇落似酒吧嘅Chalet,原來係西餐廳嚟,呢日我哋就嚟試試.
由玻璃大門走入去,係一個設計好似小花園咁嘅位置.
用咗單車同藤籃做裝飾,幾得意.
裝潢用木材為主,好英倫小木屋嘅感覺,晌荃灣嚟講呢類型餐廳都真係幾少見.
午市以套餐為主,價錢由七十幾到百幾不等,而且唔洗加一,都算合理.
餐湯,沙律,麵包
57 views
0 likes
0 comments
我哋叫咗兩份午餐,先嚟嘅係餐湯同沙律,呢日係雜菜湯,湯入面有大量切粒椰菜,意大利青瓜等等,大大增加蔬菜攝取量.沙律就淋咗黑醋,幾醒胃.側邊嘅麵包烘到暖暖哋,外面脆入面有少少煙韌,質素唔錯.
意大利煙肉芝士配菠菜沙律伴日式芝麻醬
42 views
0 likes
0 comments
意大利煙肉芝士配菠菜沙律伴日式芝麻醬,表面鋪滿芝士碎.
意大利煙肉芝士配菠菜沙律伴日式芝麻醬
52 views
0 likes
0 comments
煙肉煎得香口唔乾身,底下仲有菠菜,咀嚼起嚟清甜爽脆,配埋車厘茄同微酸嘅日式芝麻醬,作為主餐的確好輕盈.
澳洲穀飼肉眼扒配有機薯片伴芝士忌廉汁
38 views
0 likes
0 comments
澳洲穀飼肉眼扒配有機薯片伴芝士忌廉汁,以呢個價錢嚟講肉眼扒好大塊,食落口感軟嫩有油香.起初以為有機薯片係指炸到脆身嗰種,實際係將薯仔切成片狀,再撈埋芝士忌廉汁,既滑溜又惹味,比想像中有誠意.
我哋仲試埋呢度嘅mocktail,呢杯Refeshing係用咗鮮西柚汁,檸檬汁同梳打調成,再用風乾西柚點綴,飲落有果香又可以消滯.
Girls Generation個杯好似一個小小嘅擺設咁,非常特別.
頂層有塊好似杯仔咁嘅冰塊,上面放咗鮮藍莓同紅桑子,再用竹籤插住檸檬葉同士多啤梨等等,下層就用咗紅莓汁,接骨木花糖漿,薑汁汽水調配,味道微酸清新.
眾所周知莓類水果有抗氧化功效,女仔飲多啲或者食多啲嘅話就唔怕好似隻杯個公仔咁生晒皺紋啦!
Post
