Video
Read full review
2018-07-14
105 views
今日放工就陪男朋友去深水埗買電腦野，例排係深水埗都會行番去旺角先搭地鐵走，因為會平d🤣咁啱又未諗到食咩，就見到哩間好似幾好食，門口仲貼滿明星黎食野既相，就一於試下喇。一開門，右手邊有個大魚缸，入面竟然係......無魚既，但係有大頭蝦，仲要係有鉗個d大頭蝦。今次我地叫左都幾多野食：前菜： 麻辣雲耳聞落去好香麻油味，又唔見有太多辣油。心諗應該都唔會太辣。點知食落就出曬事，真係好麻辣，辣到變孖潤腸豬。即刻叫左兩杯野飲。士多啤梨梳打老闆話會有少少酒味，但每逢士多啤梨既野飲，都仲係有d藥水味，今次都唔例外。薄荷柚子梳打相反哩杯就幾fresh，杯野飲仲有片橙，薄荷味唔會太搶，整體又fresh 又開胃，值得推薦！檸檬辣蝦蝦煲有好多款，揀極都揀唔到，最後就督左求其一款。蝦煲入面有8隻大蝦。隻蝦真係幾好食，個蝦頭有膏，蝦身又有一大抽蝦籽，蝦肉又彈牙。但可惜我唔識剝蝦，好彩有個24孝既男朋友起埋肉俾我食，我可以做下港女等食😜生燒海花螺係男朋友同個8隻大蝦奮鬥既時候，我已經急不及待開動左食花螺😂我唔知花螺尾個塊片食唔食得，男朋友就話唔得既。花螺好入味，加上煮得幾好，唔洗牙籤都可以就咁啜出黎，又方便又唔污糟
咁啱又未諗到食咩，就見到哩間好似幾好食，門口仲貼滿明星黎食野既相，就一於試下喇。
一開門，右手邊有個大魚缸，入面竟然係......無魚既，但係有大頭蝦，仲要係有鉗個d大頭蝦。
今次我地叫左都幾多野食：
前菜： 麻辣雲耳
聞落去好香麻油味，又唔見有太多辣油。心諗應該都唔會太辣。點知食落就出曬事，真係好麻辣，辣到變孖潤腸豬。即刻叫左兩杯野飲。
3 views
0 likes
0 comments
士多啤梨梳打
老闆話會有少少酒味，但每逢士多啤梨既野飲，都仲係有d藥水味，今次都唔例外。
薄荷柚子梳打
相反哩杯就幾fresh，杯野飲仲有片橙，薄荷味唔會太搶，整體又fresh 又開胃，值得推薦！
5 views
0 likes
0 comments
檸檬辣蝦
蝦煲有好多款，揀極都揀唔到，最後就督左求其一款。蝦煲入面有8隻大蝦。隻蝦真係幾好食，個蝦頭有膏，蝦身又有一大抽蝦籽，蝦肉又彈牙。但可惜我唔識剝蝦，好彩有個24孝既男朋友起埋肉俾我食，我可以做下港女等食😜
1 views
0 likes
0 comments
生燒海花螺
係男朋友同個8隻大蝦奮鬥既時候，我已經急不及待開動左食花螺😂我唔知花螺尾個塊片食唔食得，男朋友就話唔得既。花螺好入味，加上煮得幾好，唔洗牙籤都可以就咁啜出黎，又方便又唔污糟。
6 views
0 likes
0 comments
羽衣甘藍
健康飲食又點少得食菜，我就第一次食哩款菜，雖然第一次食，但口感幾特別。聽講適量咁食，仲可以防癌既添。
4 views
0 likes
0 comments
新竹米粉
最後本來想叫個魯肉飯，可惜遲左一步賣曬，想試既朋友記住一坐底就叫左先喇。我地最尾叫左米粉，有肉燥，炒得幾香，又唔會乾爭爭 真係幾好食。推薦！
6 views
0 likes
0 comments
超推薦蝦煲，記得食蝦一定要食埋個蝦頭唔好嘥😉因為真係有蝦膏架❤❤
Post
