Video
Read full review
2018-04-13
165 views
去了歐洲旅行兩個星期，我最掛住既除咗阿媽煲既老火湯，另一樣就係日本料理。所以朋友約我食日本嘢既時候，我自然毫不猶疑就衝啦！ 心鉄板燒位於尖沙咀亞士厘道樓上鋪，唔熟尖沙咀既人可能要花D時間搵搵。不過係亞士厘道搵緊既時候可以留意下大廈貼出黎既燈箱，心鐵板燒既招牌都有貼出黎。呢度唔算好大，有兩個Open kitchen既位置，再加上個落地玻璃窗，一邊睇住廚師烹飪一邊睇住夜景都係一種享受嚟。Menu有單點亦都有套餐，由於選擇好多，我都唔逐樣逐樣講，影出個Menu大家可以睇下有咩食。我同朋友就點咗個鐵板燒特選二人套餐，已經涵蓋咗前菜到甜品等。前菜包括海膽凍豆腐、蟹肉枝豆薯蓉同煮穴子沙律。豆腐淡而清香，同濃味既海膽甚為搭配；薯蓉香滑鬆軟，食到絲絲蟹肉； 沙律就好開胃，酸酸咪咪都好新鮮。湯我就揀咗龍蝦湯，睇唔睇到好大舊龍蝦肉？ 橙紅色既湯上有兩道cream作為點綴，攪拌均勻後飲一口，冇其他西餐廳既龍蝦湯咁鹹，淡淡地更顯示出龍蝦鮮味。 到熱食方面，師傅喺我地將食材煎熟，絲毫不馬虎，聲效同視覺效果都滿足到。面前呢份西班牙紅蝦配紅蝦啫喱，紅蝦就唔算非常大隻，但蝦身通紅，望住就覺得新鮮。食落口唔簡單，清甜
呢度唔算好大，有兩個Open kitchen既位置，再加上個落地玻璃窗，一邊睇住廚師烹飪一邊睇住夜景都係一種享受嚟。
Menu有單點亦都有套餐，由於選擇好多，我都唔逐樣逐樣講，影出個Menu大家可以睇下有咩食。
我同朋友就點咗個鐵板燒特選二人套餐，已經涵蓋咗前菜到甜品等。
前菜包括海膽凍豆腐、蟹肉枝豆薯蓉同煮穴子沙律。豆腐淡而清香，同濃味既海膽甚為搭配；
薯蓉香滑鬆軟，食到絲絲蟹肉； 
沙律就好開胃，酸酸咪咪都好新鮮。
湯我就揀咗龍蝦湯，睇唔睇到好大舊龍蝦肉？ 橙紅色既湯上有兩道cream作為點綴，攪拌均勻後飲一口，冇其他西餐廳既龍蝦湯咁鹹，淡淡地更顯示出龍蝦鮮味。
到熱食方面，師傅喺我地將食材煎熟，絲毫不馬虎，聲效同視覺效果都滿足到。面前呢份西班牙紅蝦配紅蝦啫喱，紅蝦就唔算非常大隻，但蝦身通紅，望住就覺得新鮮。食落口唔簡單，清甜而爽口，搭配以蝦膏煎煮出黎既蝦汁特別鮮美。紅蝦啫哩夠曬特別，晶瑩剔透而口感有少少似豬皮凍，但當然冇豬皮凍咁油膩。
活北寄貝配芝士牛油汁，除了北寄貝刺身，我食過最好味既北寄貝就係呢度鐵板燒呢隻啦！雖然以燒製方式烹調，但鮮甜味媲美刺身，更甚的是豐富的汁液，北寄貝不僅大而且厚肉，大大塊連住芝士都唔會特別膩。
鵝肝配黑醋汁，鵝肝都係現煎架！❤️鵝肝鹹香綿嫩，多士香脆可口，蘸一D黑醋汁，有效地中和咗鵝肝既油膩感。
神戶黑豚薄燒和厚燒，同樣係豚肉，原來兩種唔同既厚度就可以製作出不同既品嚐口味。薄燒中間包住泡菜，泡菜既辛辣酸味同豚肉產生化學作用，令豬肉食起身唔會肥；而厚燒竟然是做出了好似肉眼牛扒的口感，又腍又鬆，可惜略為肥膩，但搭配配菜柚子酸蘿蔔亦岩岩好。
季節野菜同高菜文昌魚炒飯都係即炒架！炒飯粒粒分明，高菜微微酸味令到炒飯更加可口。飯裡入面更收埋一條條文昌魚，鮮香美味。
到甜品環節啦，有紅豆湯年糕配雪糕，兩種極端口感既甜品搭配在一起又唔錯Wor！年糕外皮稍微硬咗D，但唔影響味道；雪糕則是豆腐口味的，口感比較紮實，豆腐味好濃。
呢餐算上加一要大概2000零蚊，算係中高酒店價位，不過食物質素同埋服務都冇得彈，加埋個靚靚景觀，都幾值得 。
Post
