西關粥品 (Closed)

星期日係天后誕，就同老婆入左元朗行下啦。行到肚餓，見到有間寫住“西關粥品”既粥鋪，入面推介一款“西關粉仔”，腦海即時浮現童年係廣州既一種小食，決定入內一試！再來叫碗艇仔粥，大大碗，肉料豐富，粥衣綿香，好味。最後見到對面有位仁兄食緊牛腩河粉，津津有味，忍唔住叫番碗試下。都真係唔錯，牛腩味道特別，河粉米香十足，同樓面呀姐吹左幾句， 先知河粉係老闆自家制造既，風味十足。見到隔離台有人食煎腸粉同埋煎餃子，賣相都幾吸引，但已經好飽啦，下次再黎一定要試下。