Video
Read full review
2010-01-16
5 views
一早就開始忙, 連早餐都冇時間食,中午忙完, 老公接我去食LUNCH,呢間舖平時夜晚勁多人排隊,見今日人少少咁, 一於試試.入去坐低見到餐牌入面既相,又回想起上次係日本食豬肉既美味,我決定點"烤薄豬扒飯定食(網燒汁)",而老公就選擇"燒豬肩脥肉飯(網燒汁)",等既期間我發現原來杯茶係"玄米茶",香味夠, 濃淡適中, 即時令我對呢間舖既印象加分.期待中既飯黎到, 餐附有湯同前菜,2者味道都OK, 同周邊日式舖頭相約,食完前菜, 我即刻試左1大啖飯...點解D飯又硬又乾既? 再試多啖...一樣...感覺自己係度食緊隔夜飯, 仲要好似冇加水放入微波爐叮,叫得"丼"就知飯有幾緊要啦,點解D咁既飯可以比D客食架?算啦再試烤薄豬扒, 得1個字可以形容"柴",又乾好硬, 唔好講係日本食果D, 係果條街隔離舖都冇咁柴啦,係個汁幾好味, 但太少汁啦, D飯有一半沾唔到D汁,令D飯更加難入口, 極度失望!!!而老公果個燒豬肩脥肉飯, 飯就唔好講啦, 一樣咁衰,反而豬肩脥又幾好食喎, 爽脆多汁,加埋個汁送飯真係一流,老公見我食得咁辛苦, 所以好有義氣咁分左一半比我...係呢度食野, 原來唯一感動既就係睇到老
中午忙完, 老公接我去食LUNCH,
呢間舖平時夜晚勁多人排隊,
見今日人少少咁, 一於試試.
入去坐低見到餐牌入面既相,
又回想起上次係日本食豬肉既美味,
我決定點"烤薄豬扒飯定食(網燒汁)",
而老公就選擇"燒豬肩脥肉飯(網燒汁)",
等既期間我發現原來杯茶係"玄米茶",
香味夠, 濃淡適中, 即時令我對呢間舖既印象加分.
期待中既飯黎到,
餐附有湯同前菜,
2者味道都OK, 同周邊日式舖頭相約,
食完前菜, 我即刻試左1大啖飯...
點解D飯又硬又乾既? 再試多啖...一樣...
感覺自己係度食緊隔夜飯, 仲要好似冇加水放入微波爐叮,
叫得"丼"就知飯有幾緊要啦,
點解D咁既飯可以比D客食架?
算啦再試烤薄豬扒, 得1個字可以形容"柴",
又乾好硬, 唔好講係日本食果D, 係果條街隔離舖都冇咁柴啦,
係個汁幾好味, 但太少汁啦, D飯有一半沾唔到D汁,
令D飯更加難入口, 極度失望!!!
而老公果個燒豬肩脥肉飯, 飯就唔好講啦, 一樣咁衰,
反而豬肩脥又幾好食喎, 爽脆多汁,
加埋個汁送飯真係一流,
老公見我食得咁辛苦, 所以好有義氣咁分左一半比我...
係呢度食野, 原來唯一感動既就係睇到老公有幾錫我...
Post
