Video
Read full review
2012-10-15
14 views
認識OpenRice兩年以來都只是上來參考食評，這次實在忍無可忍，在香港從未遇過這種食店，此店只應強國有，不應存在在香江！ 長話短說，我和朋友買了雅虎團購$78片皮鴨餐(這次是朋友買的，所以沒有先看食評)，大部份的不滿上面的朋友都已經寫過，所以只補充與大家不同的遭遇：1：拍青瓜有點怪味，顏色暗暗的，不知是否存放太久。2：小籠包叫第一次等了半小時左右，味道尚可，吃完馬上再叫，侍應却說今日太多客人所以賣完了 3：由於和朋友顧着上網，到最後走了才想起每人一碗粟米湯從來沒有出現過！4：中段時間有位說國語的女客人臨走前大聲說他們亂抬高價錢欺騙遊客，準備上報紙吧(本人不知來龍去脈，但願那位女士說到做到，不要讓這黑店再欺騙人)。5：埋單後有個應該是大家形容的高佬男人，有鄉音的，我認得聽我訂位的也是他(應該是職位比較高吧)，說送我們每人一張會員卡，只要充值一千元就有九五折，二千元有九折、三千元有八五折，我第一時間想起深圳的大型按摩埸，也是用同樣手法留客，實在太有大陸feel了！由於根本沒有打算有下次，就試下問佢，咁要入幾多錢先有半價？佢就好可憐咁話，我地呢度d租金好貴，冇辦法做到咁低折，但係我地會
長話短說，我和朋友買了雅虎團購$78片皮鴨餐(這次是朋友買的，所以沒有先看食評)，大部份的不滿上面的朋友都已經寫過，所以只補充與大家不同的遭遇：
1：拍青瓜有點怪味，顏色暗暗的，不知是否存放太久。
2：小籠包叫第一次等了半小時左右，味道尚可，吃完馬上再叫，侍應却說今日太多客人所以賣完了
3：由於和朋友顧着上網，到最後走了才想起每人一碗粟米湯從來沒有出現過！
4：中段時間有位說國語的女客人臨走前大聲說他們亂抬高價錢欺騙遊客，準備上報紙吧(本人不知來龍去脈，但願那位女士說到做到，不要讓這黑店再欺騙人)。
5：埋單後有個應該是大家形容的高佬男人，有鄉音的，我認得聽我訂位的也是他(應該是職位比較高吧)，說送我們每人一張會員卡，只要充值一千元就有九五折，二千元有九折、三千元有八五折，我第一時間想起深圳的大型按摩埸，也是用同樣手法留客，實在太有大陸feel了！由於根本沒有打算有下次，就試下問佢，咁要入幾多錢先有半價？佢就好可憐咁話，我地呢度d租金好貴，冇辦法做到咁低折，但係我地會盡量做到最好.....哈哈！
稍為總結下：
電話打幾十次冇人聽，到有人聽就話定位已經訂到下星期， 要訂就快，因為好快滿...
準時到達個鄉音高佬叫我地等等，等咗十分鐘忍無可忍望下入面原來得幾枱客，咁叫我地等咩呀，唔通頭先好爆埸不過d客埋完單由後門走咗，所以我地見唔到？
我地星期日八點三去到一路坐到十點鐘，兩人合共食咗5隻小籠包、一小碟四季豆、一小碟波羅咕嚕肉、十幾粒雞軟骨(好油)、一碟拍青瓜(由於變了味，只食了幾舊便放棄)、一杯兩杯熱飲。(其他時間用來上網吹水)
其間不斷介紹唔同菜色，我同佢講我地有任食小籠包同小食，唔使再加其他，可能因此我地再叫小籠包就話賣晒！
呢份就係$78x2嘅<北京片皮鴨+任食小籠包及中式小菜>團購啦，大家係咪覺得好抵食呢！未返到屋企已經又開始肚餓啦！
本來話長話短說，點知越寫越火滾，各位有緣睇到呢篇食評嘅朋友，唔信嘅試下無防，但信嘅就話俾你關心嘅人知，叫佢地小心。
Post