Read full review
2011-03-02
62 views
好寧靜舒服既一間酒樓,從未如此係中菜酒樓可以坐得咁舒服。食客不太多,雖各人都有講有笑,但仍保持清靜既環境,唔會喧嘩、唔會有杯碟碰撞既炒耳嘈音。燈光柔和,完全即係用天然光,機場樓底超高又開揚,加上巨形天窗,環保又舒服,食物質數比美酒店,非常滿意 ~ 有機會真係專程入黎飲個早茶再過大嶼山都好 ~每日早機赴美公幹,check - in 完後見仲有同事未到,咁就臨去美國嘆多次唐茶先,因為知道要去成個月,真係成個月無啖好食架 ~ 今朝六點起身執埋行李先七點鐘,所以一個人已先去茶餐廳食左碗即食麵,依家仲好飽,所以都只係咁以食啲啦 ~ 每款點心最平都要 HKD30,似乎真係貴左小小。見到枱面有個新春小菜 menu,價錢合理又特別,不過今次無機會試試。牛肉腸粉,最初還以為係安格斯牛柳絲腸粉添,見佢個賣相以為係。腸粉都拉得唔錯,夠滑夠薄,但碎牛較為少左啲,牛味又唔夠濃,偏淡口,總括黎講都算好食。棉花雞,魚肚棉滑索晒啲精華,好味道。雞柳滑、鮮菇味濃,好食好食。四寶雞札,其實同棉花雞味道相約,只係多左塊腐竹啫,但一次過咬落魚肚、雞柳、火腿同冬菇度,幾種唔同口感唔同味道混埋一齊,好特別又美味。豉油鳳爪,炆得非
每日早機赴美公幹,check - in 完後見仲有同事未到,咁就臨去美國嘆多次唐茶先,因為知道要去成個月,真係成個月無啖好食架 ~ 今朝六點起身執埋行李先七點鐘,所以一個人已先去茶餐廳食左碗即食麵,依家仲好飽,所以都只係咁以食啲啦 ~ 每款點心最平都要 HKD30,似乎真係貴左小小。見到枱面有個新春小菜 menu,價錢合理又特別,不過今次無機會試試。
牛肉腸粉,最初還以為係安格斯牛柳絲腸粉添,見佢個賣相以為係。腸粉都拉得唔錯,夠滑夠薄,但碎牛較為少左啲,牛味又唔夠濃,偏淡口,總括黎講都算好食。
棉花雞,魚肚棉滑索晒啲精華,好味道。雞柳滑、鮮菇味濃,好食好食。
四寶雞札,其實同棉花雞味道相約,只係多左塊腐竹啫,但一次過咬落魚肚、雞柳、火腿同冬菇度,幾種唔同口感唔同味道混埋一齊,好特別又美味。
豉油鳳爪,炆得非常入味,啲醬汁唔會一舊舊杰逹逹,做得好好,味道唔錯,但無咩驚喜。
Post