Video
Read full review
2023-02-17
544 views
約咗朋友喺尖沙咀交收，順便一齊食晏。由友人帶路，嚟咗加連威老道「Granville food Square」搵食。第一次嚟呢個美食坊，原來入面地方好大，全場佔地 5,000呎，以復古歐陸風作設計，配上維多利亞風格拱形扇門、大堂復古吊扇，遍佈各處嘅竹燈和懷舊翠綠色調，絕對是影相打卡最佳之選。聽朋友講，呢度同一般嘅美食廣場唔同，客人可以先選座位坐低，揀啱邊間餐廳嘅食物後，再由店員綜合點餐。逐一細看，原來場內設有多間人氣特色料理，既有酸菜魚、燉湯小炒，也有焗飯、山東餃子、Dog and Burger 等供應，餐點選擇非常多。今次我哋就揀咗焗菜飯同餃子，原來凡購買食物，所有飲品即享有 $10 折扣，非常抵飲。田園豬扒焗菜飯 ($68) 豬扒上蛋漿、麵粉即炸，食落好脆口，厚薄適中。番茄汁酸甜度啱啱好；配料有青瓜、翠玉瓜、車厘茄、香芹同菠蘿，夾埋墊底嘅菜飯一齊食，口感好豐富，啖啖滿足。餃子點選了韭菜豬肉拼馬蹄花菇豬肉 ($78/12pcs)，韭菜豬肉餃皮薄飽滿，韭菜同肉餡味道十分平衡，入口鮮爽多汁，能嚐到食材嘅鮮味。馬蹄豬肉水準亦唔錯，馬蹄爽身又有咬口、花菇菇香味濃、豬肉肉汁豐富，配上無味精雞湯底
約咗朋友喺尖沙咀交收，順便一齊食晏。由友人帶路，嚟咗加連威老道「Granville food Square」搵食。
第一次嚟呢個美食坊，原來入面地方好大，全場佔地 5,000呎，以復古歐陸風作設計，配上維多利亞風格拱形扇門、大堂復古吊扇，遍佈各處嘅竹燈和懷舊翠綠色調，絕對是影相打卡最佳之選。
聽朋友講，呢度同一般嘅美食廣場唔同，客人可以先選座位坐低，揀啱邊間餐廳嘅食物後，再由店員綜合點餐。
逐一細看，原來場內設有多間人氣特色料理，既有酸菜魚、燉湯小炒，也有焗飯、山東餃子、Dog and Burger 等供應，餐點選擇非常多。
今次我哋就揀咗焗菜飯同餃子，原來凡購買食物，所有飲品即享有 $10 折扣，非常抵飲。
田園豬扒焗菜飯 ($68) 豬扒上蛋漿、麵粉即炸，食落好脆口，厚薄適中。番茄汁酸甜度啱啱好；配料有青瓜、翠玉瓜、車厘茄、香芹同菠蘿，夾埋墊底嘅菜飯一齊食，口感好豐富，啖啖滿足。
餃子點選了韭菜豬肉拼馬蹄花菇豬肉 ($78/12pcs)，韭菜豬肉餃皮薄飽滿，韭菜同肉餡味道十分平衡，入口鮮爽多汁，能嚐到食材嘅鮮味。
馬蹄豬肉水準亦唔錯，馬蹄爽身又有咬口、花菇菇香味濃、豬肉肉汁豐富，配上無味精雞湯底，更添風味。
飲品點咗港式凍檸茶 ($15) 同 港式熱奶茶 ($10)，初頭仲以為會係一般快餐店貨色，估唔到兩杯都好好飲，前者酸甜度平衡得啱啱好，具茶味及檸檬香。
而熱奶茶嘅口感亦十分順滑，茶香清新怡人，濃淡恰到好處。
Post
