山景閣

Open Now

Now Closed

復活節諗住去食自助餐，揀啲方便嘅旺區，去咗尖沙咀山景閣 自助餐六點半開始，六點三左右已經有唔少客人喺度排隊等入座。六點半入座就可以開始自助餐自助餐通常我都會比較喜歡睇下個甜品部甜品部甜品種類都算多，有朱古力噴泉，各式糕點、蛋糕、啫喱等等。另外後面仲有dreyer's雪糕 。凍盤方面有港人最愛嘅生蠔、蟹腳、三文魚刺身、蝦、壽司等等。店員都refill得幾快， 因為客人眾多好快就拎曬另外仲有沙律、冷麵、火腿、parma ham蜜瓜、鴨胸等等。 生蠔都幾大隻。另外仲有即切牛扒， 都幾大塊自助餐每人包一隻扇貝，面上有粉絲同蒜蓉 蔥等調味 我仲拎咗焗蟹蓋。熟食方面都有炸蟹鉗、豬扒、雞扒、蟹粥等。 雞扒煎得幾脆，雞加埋薑蓉都幾滑，炸蟹鉗都係新鮮熱辣辣 個人認為呢個熟食位嘅食物比較出色另外我會推介蟹粥，幾鮮甜，新鮮即整另一邊仲有多款傳統熟食，如炒菜、米粉、炒飯等等。拎完甜品我仲去咗拎即製pancake，揀咗香蕉朱古力pancake，呢個都唔錯自助餐夜晚$398，確實算抵食。