五陵會

Open Now

Now Closed

復活節假期，無得外遊，聽尊家建議，唔同人迫，祇係抽一日出去食餐飯，叫做散吓心，於是我哋一行四人去咗中環嘅五陵會此處乃私人會所，只招待會員，另外防疫衛生亦做足功夫，重有間房俾我哋，可以放一萬個心😁因為係普通便飯，所以亞哥叫啲家常菜色，呢處大廚廚藝有番咁上下，無論燒、炆、蒸、焗、煮；都游刃有餘是日午餐有1. 鲜魚湯:主要食材有新鮮骨腩，重有芫茜、皮蛋、豆腐、 廋肉、鮮草菇等一齊煲。嘩！好豐富煲出嚟啖湯寧舍唔同，特別濃郁剩係食湯渣已經半飽湯好正，大廚落咗少少胡椒提鮮，飲到個個舐舐脷2. 紅燒班翅煲红燒班翅係呢度嘅招牌菜，班翅新鮮，啖啖肉唔會係雪藏貨色，配合肉絲、冬菇絲、炸豆腐、枝竹同其他配料炆，好入味，雖則味道濃咗少少，但真係好好食食完第二道菜，我已經覺得有啲飽滯，個貼心侍應姐姐即刻幫我換咗杯熱茶消滯3. 香煎脆蝦外脆內軟，蝦肉鮮甜，爽口彈牙4. 上湯浸莧菜雲吞有竹笙、枸杞、菇類，一個頗為清淡嘅菜式，正好清清味蕾5. 鼓油皇乳鴿本想定燒乳鴿，但定唔到，祇好改鼓油皇炆乳鴿，乳鴿肉質豐腴，好食，但個人喜好側重燒乳鴿，不過家姐就話無咁熱氣啝。甜品:生磨蛋白杏仁茶芝麻湯丸侍應問要少甜定甜，我哋揀