紅磡冰室 (Closed)

晚上同陳生到黃埔睇張家輝「激戲」，入場前HI個靚TEA，紅磡區太多美食，心大心細之時經過新開嘅「紅磡冰室」，見到價錢合理，一於入去試吓。 ******************************我叫咗常餐B($34+2)，瑞士雞翼撈公仔麵，配炒蛋﹠烤蒜蓉包，加$2轉紅豆冰。陳生就叫咗冰室西多士，加$2轉紅豆冰(＄23+2)炒蛋炒得好嫩滑，充滿蛋汁，超正！烤蒜蓉包熱辣辣出爐！襯熱食一流！而且未放落口已經聞到好重蒜蓉香味，入口香脆，好感動啊！     瑞士雞翼撈公仔麵唔錯，瑞士汁偏甜味，而且均衡滲入雞翅，好入味！有翠華水準但價錢平咗十蚊有多。招牌紅豆冰，紅豆足料大粒，可惜唔夠奶香味，佢用淡奶沖，如果用椰汁會香好多。西多士充滿蛋香，麵包油炸至鬆軟唔會硬柴柴，牛油略嫌細塊，配上甜甜嘅糖漿，呢餐下午茶真係好滿足！