微醺 (Closed)

收工約左朋友嚟中環食飯飲野。餐廳名改得幾有意思，叫微醺，意即飲酒後微醉既狀態，所以主打各類特色Cocktail。餐廳既氣氛環境夠哂chill。You May Fun以Gin為主調，比較fruity既cocktail。上面有半個好大既熱情果，將入面既果肉加入杯cocktail，飲落甜得嚟酒味濃郁，層次幾豐富。Joy Ng Joy估唔到係玻璃奶樽裝住既mocktail，因為疫情既關係，就用旁邊插住既飲管飲用。用上自家製sweet plum，同酸梅汁既味道好似，不過更有層次，相當開胃。凱撒沙律配烤雞烤雞都唔錯，沙律醬既份量適中，夠哂fresh。微醺拼盤（自家製黑松露芝士粉）以四四方方既木盒裝住鳳尾蝦、魷魚圈，酥炸杏鮑菇等炸物，將炸物連埋自家製黑松露芝士粉一齊放入紙袋shake，再倒出嚟食，呢個食法既熟悉亦幾有創意，食落都好香口。香草羊奶芝士配自家製蒜蓉包羊奶芝士既味道好香好濃郁，配埋香脆既蒜蓉包，好夾。鮮海膽魷魚意大利飯有兩三片魷魚，份量唔算多但幾好食。海膽則撈埋risotto一齊食會更好。